( ဘဒ္ဒန္တ ၀ါယာသာရ ဖြေသည်)
(မေး) (သာသနာကွယ်ကြောင်း ငါးပါး)
အရှင်ဘုရား၊ သာသနာကွယ်ကြောင်း ငါးပါးကို တပည့်တော် သိပါသည်ဘုရား။ သာသနာကွယ်ပြီးချိန်တွင် လူ့ပြည်၌ သူတော်ကောင်းဆိုတာ ရှိပါဦးမလား။ နတ်ပြည်ရောက်ကြောင်း အကျင့်ကောင်းမရှိလျှင် သေလွန်ပြီး နတ်ပြည်ရောက်သည့်ပုဂ္ဂိုလ် ရှိ-မရှိနှင့် သာသနာတွင်း သာသနာပ အခါ၌ နတ်၊ ဗြဟ္မာ ဦးရေ ကွာခြားမှု ရှိ-မရှိ သိလိုပါသည်ဘုရား။
( ဦးသာရှိ် (ခ) စိုင်းသန်းရွှေ-တမူးမြို့)
(ဖြေ)
သာသနာပအချိန်နှင့် သာသနာကွယ်ချိန်တို့မှာလည်း သူတော်ကောင်းတွေ ရှိပါသေးသည်။ ကံ ကံ၏အကျိုးတရားကို ယုံကြည်သော သူတော်ကောင်းများသည် မကောင်းကံတွေက မကောင်းကျိုးကို ပေးလိမ့်မည်။ ကောင်းကံတွေက ကောင်းကျိုးတွေကို ပေးလိမ့်မည်ဟု ယုံကြည်ကြသည်။ ထို့ကြောင့် မကောင်းမှုကို ရှောင်ကြဉ်၍ ကောင်းမှုကို ပြုလုပ်သော သူတော်ကောင်းတွေ ရှိ်နိုင်ပါသည်။
ယခုခေတ် ဗုဒ္ဓဘာသာ သာသနာကို မကိုးကွယ်သော ဘာသာခြားများလည်း ကောင်းတာလုပ်လျှင် ကောင်းတာဖြစ်သည်ဟူသော ယုံကြည်ချက်ဖြင့် အများအကျိုး၊ လောကအကျိုး၊ ကောင်းမှုအမျိုးမျိုး ဆောင်ရွက်နေကြသည်ကို အများအပြား တွေ့ရှိနေကြရပါသည်။
သမ္မာဒိဋ္ဌိ အမျိုးမျိုး ရှိပါသည်။
(၁) ကမ္မဿကတာ သမ္မာဒိဋ္ဌိ-ကောင်းကံ မကောင်းကံကို ယုံကြည်ခြင်း။
(၂) နာမရူပ ပရိစ္ဆေဒ သမ္မာဒိဋ္ဌိ-နာမ်ရုပ်ကို ပိုင်းခြား၍ အမှန်အတိုင်း သိခြင်း။
(၃) ပစ္စယပရိဂ္ဂဟ သမ္မာဒိဋ္ဌိ-ရုပ်နာမ်ဖြစ်ကြောင်းကို အမှန်အတိုင်းသိခြင်း။
(၄) ၀ိပဿနာ သမ္မာဒိဋ္ဌိ-ရုပ်နာမ်တို့၏ မမြဲ၊ ဆင်းရဲ၊ အစိုးမရမှုကို အမှန်သိခြင်း။
(၅) မဂ္ဂဖလ သမ္မာဒိဋ္ဌိ-မဂ်ဉာဏ် ဖိုလ်ဉာဏ်ကို အမှန်သိမြင်ခြင်း။
ထို ၅-မျိုးတွင် ကမ္မဿကတာ သမ္မာဒိဋ္ဌိသည် သာသနာကွယ်ချိန်မှာလဲ ရှိပါသည်။ ကျန် ၄-မျိုးကား မရှိ။ ထို့ကြောင့် သာသနာပချိန်တွင် လူသူတော်ကောင်းတွေ ရှိနိုင်ပါသေးသည်။
သို့သော် သာသနာကွယ်ချိန်မှာ နတ်ပြည် ဗြဟ္မာ့ပြည်၌ နတ်ဗြဟ္မာများ နည်းပါးသွားပါသည်။ အဘယ့်ကြောင့် ဆိုသော် နတ်သဘင် အစည်းအဝေး၌ သိကြားမင်းကြီးသည် လူ့ပြည်၌ ဒါန၊ သီလ၊ ဘာဝနာ တရားများကို စောင့်ထိန်းကျင့်ကြံပွားများသူ များပြားကြောင်း စုံစမ်းသိရှိရလျှင် နတ်ပြည်၊ ဗြဟ္မာပြည်တော့ စည်ကားဦးမှာပဲ။ စောင့်ထိန်းကျင့်ကြံပွားများသူ နည်းနေလျှင် နတ်ပြည်၊ ဗြဟ္မာပြည်တော့ ခြောက်ခန်းတော့မှာပဲ မှတ်ချက်ပြုလေ့ရှိသဖြင့် သာသနာကွယ်ချိန်၌ နတ်ဗြဟ္မာဦးရေ နည်းပါးနိုင်ပါသည်။
********************************************************************************
(မေး) (ဟောင်းနွမ်းရိရွဲနေသော ပိဋကစာအုပ်များ မီးပူဇော်ခြင်း)
အရှင်ဘုရား၊
(၁) ပိုးကိုက်ပျက်စီးနေသော ရိရွဲနေသော ပိဋကတ်စာအုပ်ဟောင်းများကို ထားသိုရခက်သဖြင့် မီးပူဇော်ပစ်လျှင် အပြစ် ရှိ-မရှိ။
(၂) သာသနာ့ဝန်ထမ်းတဦးသည် သူတပါးလှူဒါန်းထားသော ပစ္စည်းဝတ္ထုများကို ချို့တဲ့နွမ်းပါးသော လူဝတ်ကြောင် ပုဂ္ဂုလ်များကို ပေးကမ်းစွန့်ကြဲ ထောက်ပံ့လျှင် အပြစ် ရှိ-မရှိ။
(၃) အရက်သေစာ သောက်စားမူးယစ်ပြီး ရမ်းကားနေသောရဟန်းကို ဖမ်းဆီးချုပ်နှောင်လျှင် အပြစ် ရှိ-မရှိ ဖြေကြားပေးတော်မူပါဘုရား။
ဒေါ်ပဏ္ဍိတမဉ္ဖရီ-ကချင်ပြည်နယ်)
(ဖြေ)
(၁) ပိုးကိုက်ပျက်စီးနေသော ပိဋကတ်စားအုပ်များကို မီးပူဇော်၍ ပြာကို ဗေညဓိပင်ခြေရင်းသို့ ပို့ဆောင်ပြီး မြေသြဇာအဖြစ် ပူဇော်စွန့်ပစ်သင့်သည်။
( ပျက်စီးကျိုးပဲ့နေသော ပုံတော်၊ ရုပ်တုတော်များကိုလည်း ၄င်းနည်းအတိုင်း မီးပူဇော်လျှင် အပြစ်မရှိပါ။)
(၂) သာသနာ့ဝန်ထမ်းများသည် ဒကာ ဒကာမများ လှူဒါန်းထားသော ပစ္စည်းများကို မိမိနှင့် သာသနာအတွက်၊ အများအကျိုးအတွက် သုံးကောင်းသည်။ လောကွတ်လုပ်သောအားဖြင့်ကား မပေးကောင်းပါ။ မဖြစ်မနေ ပေးကောင်းသော ပုဂ္ဂိုလ်များမှာ မိဘအရင်း၊ ဆင်းရဲနွမ်းပါးသူများ၊ မပေးလျှင် အန္တရာယ်ပြုမည့် သူခိုး၊ ဓားပြများနှင့် သာသနဝေယျာဝစ္စ၊ ကျောင်းကန်ဘုရားဝေယျာဝစ္စ ပြုသူများကို ပေးကောင်းပါသည်။
(၃) အရက်သေစာ သောက်စားသော ရဟန်းသည် ပါစိတ်အာပတ်သင့်သည်။ ထိုအာပတ်ကို ဒေသနာကြားလျှင် ပြေပျောက်နိုင်ပါသည်။ အရက်သေစာသောက်စား ရမ်းကား၍ မူးယစ်သောရဟန်းအား ဖမ်းဆီးချုပ်နှောင်လျှင် အပြစ်မရှိနိုင်ပါ။
********************************************************************************
(မေး) (ဒုလ္လဘရဟန်းနှင့် သံဃာဒိသိသ်အာပတ်)
အရှင်ဘုရား၊ ၇-ရက် ၉-ရက် စသည်ဖြင့် ခဏတာ ရဟန်းဝတ်သော ဒုလ္လဘရဟန်းများသည် သံဃာဒိသိသ် အာပတ်သင့်ခဲ့သော် နောက်တကြိမ် ဒုလ္လဘရဟန်းခံခွင့် ရှိ-မရှိနှင့် ၄င်းသံဃာ့ဒိသိသ်အပြစ်ကို စင်ကြယ်အောင် မည်သို့ပြုလုပ်ရမည်နည်း။
( မျိုး-ကမ္ဘာအေး)
(ဖြေ)
ရဟန်းခံခွင့် ရှိပါသည်။
သို့သော် ယခင် ရဟန်းဝတ်စဉ်က သင့်ရောက်ခဲ့သော သံဃာ့ဒိသိသ်အာပတ်သည် ရဟန်းဝတ်သည်နှင့် ပြန်၍ လိုက်ပါလာပါသည်။
ထိုသံဃာ့ဒိသိသ်အာပတ်ကို ကုစားနည်းမှာ ထိုအပြစ်ကို ဖုံးလွှမ်းထားခဲ့သမျှသော ရက်ပတ်လုံး သံဃာများနှင့်အတူ ရောနှောနေခွင့်မရှိဘဲ မိမိကျူးလွန်ခဲ့သော အပြစ်တို့ကို ရဟန်းသံဃာတို့ထံ ၀ိနည်းစည်းကမ်းအတိုင်း ကြေငြာချက်၊ ၀န်ခံချက်ပြုရခြင်း။
သံဃာအားလုံးတို့၏ နောက်ဆုံး၌ နေထိုင်ရခြင်း-စသော ပရိဝတ်ကျင့်စဉ်ကို ဆောက်တည်ရမည်။
တဖန် သံဃာတော်များ၏ နှစ်သက်မှု၊ ခွင့်လွှတ်မှု၊ ကျေနပ်မှုတို့ကို ရစေရန် ၆-ရက် မာနတ်ကျင့်ရ၏။
၆-ရက် မာနတ်ကျင့်ပြီးပါက ကျေနပ်လောက်စရာ အပြစ်ဒဏ်များ ကျေအောင်ကျင့်သုံးပြီးဖြစ်သဖြင့် သိမ်ထဲ၌ သံဃာ ၂၀-အနည်းဆုံး စည်းဝေးရပါမည်။
ထို့နောက် သံဃာပရိသတ်ဝယ် အပြစ်ကင်းစင်သော ရဟန်းအဖြစ် ပြည်လည်အသိအမှတ်ပြု ကြော်ငြာချက်ထုတ်ပြန်ခြင်းကို (အဗ္ဘာန်သွင်းခေါ်ခြင်း) ကို ပြုရပါသည်။ ထိုသို့ ပရိဝတ်ဆောက်တည်၊ မာနတ် ၆-ရက်ကျင့်၊ အဗ္ဘာန်သွင်းခေါ်ခြင်းတို့ကို ပြုမှ သံဃာဒိသိသ် အာပတ်စင်ကြယ်ပါသည်။
********************************************************************************
(မေး) ( ဒါန သီလ ဘာဝနာ အစဉ်ထားခြင်း)
အရှင်ဘုရား၊ ဒါန၊ သီလ၊ ဘာဝနာဟု အစဉ်အားဖြင့် ဆိုထားခြင်းသည် အညံ့မှအကောင်းသို့ အစဉ်အားဖြင့် ဆိုထားခြင်း ဖြစ်ပါသလား။ ထိုသုံးမျိုးတွင် အမြတ်ဆုံးကုသိုလ်က အဘယ်ကုသိုလ်ဖြစ်ပါသနည်း။ ဖြေကြားပေးတော်မူပါဘုရား။
(အရှင်ဣန္ဒော-မန္တလေး)
(ဖြေ)
အညံ့မှ အကောင်းသို့ ဆိုထားသည်မှာ မှန်ပါသည်။ ဘုရားရှင် တရားဟောသော အစဉ်မှာ
(၁) ဒါနကထာ-စွန့်ကြဲပေးကမ်း လှူဒါန်းခြင်း အကျိုးတရား။
(၂) သီလကထာ-အကျင့်သီလ အကျိုးအပြစ်တရား။
(၃) သဂ္ဂကထာ-ဒါနသီလကြောင့် ရရှိနိုင်မည့် နတ်ပြည်နတ်စည်းစိမ် အကြောင်း။
(၄) ကာမာနံ အာဒီန၀ကထာ-လူနတ်စည်းစိမ်တို့သည် သာယာဖွယ်က နည်းနည်း၊ ဒုက္ခဆင်းရဲနှင့် ကြောင့်ကြပူပန်စရာတွေက များပုံအကြောင်း။
(၅) ထိုဆင်းရဲဒုက္ခ ပူပန်မှုအမျိုးမျိုးတို့မှ လွတ်စေရန် သမထ ဘာဝနာ ၄၀-ပွားများပုံအကြောင်း။
(၆) ၀ိသုဒ္ဓိ ၇-ပါး ပွားများပုံအကြောင်း။
(၇) ဉာဏ်စဉ် ၁၀-ပါး အဆင့်ဆင့် ကျင့်ပွားပုံအကြောင်း။
(၈) မဂ်ဖိုလ်နိဗ္ဗာန်အကြောင်း (မဂ္ဂကထာ) တိုိ့ကို အဆင့်ဆင့် မြှင့်၍မြှင့်၍ ဟောကြားတော်မူသော တရားစဉ်အတိုင်း ဖြစ်ပါသည်။
ဝိပဿနာဘာဝနာဖြင့် မဂ်ဉာဏ် ဖိုလ်ဉာဏ်ရောက်အောင် ပွားနိုင်ခြင်းသည် အမြတ်ဆုံးကုသိုလ် ဖြစ်ပါသည်။
********************************************************************************
(မေး) (စေတီဟောင်းပြုပြင်ခြင်း)
အရှင်ဘုရား၊ စေတီပျြုကျ၍ မြေခသွားသော ထီးတော်ကို ပြုပြင်၍ ပြန်လည်တင်လှူကောင်းပါသလားဘုရား။ အချို့က တင်ကောင်းသည်၊ အချို့က မတင်ကောင်းဟု ၀ိဝါဒ ကွဲပြားနေပါ၍ ဖြေကြားပေးတော်မူပါဘုရား။
( အရှင်ကေသရ-မြောင်ဓမ္မရိပ်သာ၊ ထုံးဘို)
(ဖြေ)
ပြန်လည်ပြုပြင်၍ တင်လှူကောင်းပါသည်။ စေတီဟောင်း၊ ကျောင်းဟောင်း၊ ဇရပ်အို၊ ဇရပ်ဟောင်းတို့ကို ပြုပြင်၍ ပူဇော်လှူဒါန်းခြင်းသည် အသက်ရှည်ကြောင်း ဖြစ်၏။ သီဟိုဠ်ဘုရင် ၀သဘမင်းကြီးကို ရဟန္တာအရှင်မြတ်များက စေတီဟောင်းများ ပြုပြင်ရန် ဟောကြားသည့်အတွက် မင်းကြီးသည် ပြုပြင်လှူဒါန်းပူဇော်ရာ နန်းစံသက် ၁၂-နှစ်မှ ၄၄-နှစ်အထိ သက်ရှည်ခဲ့ကြောင်း ထင်ရှားသော သာဓကရှိသည်။ ယုံယုံကြည်ကြည်ဖြင့် ပြုပြင်တင်လှူပါလေ။
********************************************************************************
(မေး) (သာသနာငါးထောင်)
အရှင်ဘုရား၊ မေးလိုသောအကြောင်းမှာ ရှေးဟောင်းရှမ်းစာပေ၌ သာသနာငါးထောင်နှင့် ပတ်သက်သော သာသနာတောင်းပန်စာ လင်္ကာတွင်-
(၁) ဘုရားကိုယ်တိုင် ထားတော်မူသော သာသနာနှစ် ၁-ထောင်
(၂) ရဟန္တာအရှင်မြတ် တောင်းပန်သောကြောင့် သာသနာနှစ် ၁-ထောင်။
(၃) မလ္လာမင်း တောင်းပန်သောကြောင့် သာသနာနှစ် ၁-ထောင်။
(၄) သိကြားမင်း တောင်းပန်သောကြောင့် သာသနာနှစ် ၁-ထောင်။
(၅) ဘီလူးမင်း တောင်းပန်သောကြောင့် သာသနာနှစ် ၁-ထောင် ဟု ဆိုထားပါသည်။
ယုတ္တိယုတ္တာ ရှိ-မရှိ၊ ပိဋကတော်နှင့် ညီ-မညီ ဖြေကြားပေးတော်မူပါဘုရား။
( ဘဒ္ဒန္တ နန္ဒာစရိယ-ဒက္ခိဏာရုံကျောင်း၊ နန့်ခမ်းမြို့)
(ဖြေ)
ရှေးဟောင်း ရှမ်းစာပေက ပြသော သာသနာနှစ်ငါးထောင် ယူပုံမှာ ကျမ်းဂန်၌မရှိပါ။
သာသနာနှဏ်ငါးထောင် ပိုင်းခြားသည်မှာ ပိဋကပါဠိတော်ရင်း၌ လာရှိခြင်း မဟုတ်ဘဲ အဋ္ဌကထာများ၌သာ လာရှိပါသည်။
(၁) ပဋိသမ္ဘိဒါပတ္တ-ပဋိသမ္ဘိဒါလေးပါးနှင့် ပြည့်စုံသော ရဟန္တာခေတ် နှစ်ပေါင်း ၁၀၀၀။
(၂) ဆဠာဘိည-အဘိဉာဏ် ခြောက်ပါးနှင့် ပြည်စုံသော ရဟန္တာခေတ် နှစ်ပေါင်း ၁၀၀၀။
(၃) တေ၀ိဇ္ဖက-၀ိဇ္ဇာ ၃းပါးနှင့်ပြည့်စုံသော ရဟန္တာခေတ် နှစ်ပေါင်း ၁၀၀၀။
(၄) သုက္ခ၀ိပဿက-ဈာန်မရသော ရဟန္တာခေတ် နှစ်ပေါင်း ၁၀၀၀။
(၅) ပါတိမောက္ခသံဝရသီလခေတ်-ရဟန်းကျင့်ဝတ်နှင့်ညီစွာ ကျင့်ကြံနေသေးသောခေတ် နှစ်ပေါင်း ၁၀၀၀။
စုစုပေါင်း ၅၀၀၀။
ဝိနည်းအဋ္ဌကထာနှင့် အင်္ဂုတ္တရနိကာယ် အဋ္ဌကထာ အလိုအားဖြင့်-
(၁) ပဋိသမ္ဘိဒါရဟန္တာခေတ်-နှစ်ပေါင်း ၁၀၀၀။
(၂) သုက္ခ၀ိပဿက ရဟန္တာခေတ်-နှစ်ပေါင်း ၁၀၀၀။
(၃) အနာဂါမ်ပုဂ္ဂိုလ်ခေတ်-နှစ်ပေါင်း ၁၀၀၀။
(၄) သကဒါဂါမ်ပုဂ္ဂိုလ်ခေတ်-နှစ်ပေါင်း ၁၀၀၀။
(၅) သောတာပန်ပုဂ္ဂိုလ်ခေတ်-နှစ်ပေါင်း ၁၀၀၀။
ပေါင်း ၅၀၀၀။
စသည်ဖြင့် သင့်လျော်လို ဖွင်ဆိုထားချက်များသာ ရှိပါသည်။ ဖြစ်နိုင်ချေရှိသော နှစ်တို့ကို ပိုင်းခြားသတ်မှတ်သော်လည်း ဣမေစ သုဘဒ္ဒ ဘိက္ခူ သမ္မာ ၀ိဟရေယျုံ-အသုညော လောကော၊ အရဟန္တေဟိ အဿ။ ( ဒီဃ-ဋ္ဌ ၁၈၁)၊ အံ-ဋ္ဌ ၁-ရ၂) ဟု ဆိုထားသည့်အတိုင်း ကျင့်ကြံသူတွေ ရှိနေသရွေ့ ရဟန္တာပုဂ္ဂိုလ်တွေ လောကကြီး၌ မဆိတ်သုဉ်းနိုင်သေးပါ။ ကျင့်ကြံကြသူတွေ ရှိနေကြလျှင် သာသနာမှာ ငါးထောင်မက တည်တံ့နေမည် ဖြစ်ပါသည်။ သာသနာငါးထောင် အတွင်းမှာပင် မကျင့်ကြံ မလိုက်နာသူတွေအတွက်ကတော့ သာသနာမရှိပါ။ မတည်ပါ။
( မြတ်မင်္ဂလာ ၂၀၀၇-ခု ဇွန်လ)
၁ ဒေါ်လာ= ၉၈၀ ကျပ်
၁ ဘတ် = ၃၁ ကျပ်
