( ဘဒ္ဒန္တ ၀ါယာမသာရ ဖြေသည်)
(မေး) (မိဘကိုထောက်ပံ့ခြင်း)
အရှင်ဘုရား၊ တပည့်တော်မှာ ဘွဲ့ရပြီးကတည်းက အိမ်ထောင်ကျပါသည်။ အိမ်ထောင်ကျတော့လည်း အမျိုးသမီး အိမ်မှာ လိုက်နေရပါသည်။ ယောက္ခမများနှင့်အတူ စီးပွားရေး ပေါင်းလုပ်ရပါသည်။ တပည့်တော်မှာ မိဘဆွေမျိုး တွေကို ထောက်ပံ့ချင်သော်လည်း အခွင့်မရပါ။
ထို့ကြောင့် ဇနီးနှင့် ယောက္ခမများ မသိအောင် စုဆောင်း၍ မိဘများကို ထေက်ပံ့ရပါသည်။ ထိုသို့ မသိအောင် ထောက်ပံ့ခြင်းအတွက် အဒိန္နာဒါနကံ ထိုက်-မထိုက် ဖြေကြားပေးပါဘုရား။
(ခင်မောင်သန်း-မန္တလေး)
(ဖြေ)
အဒိန္နာဒါနကံ၏ အင်္ဂါများမှာ-
(၁) သူတပါးဥစ္စာလည်း ဖြစ်ရမည်။
(၂) သူတပါးဥစ္စာဟုလည်း အသိအမှတ် ရှိရမည်။
(၃) ခိုးလိုသောစိတ်စေတနာလည်း ရှိရမည်။
(၄) ခိုးလည်း ခိုးယူသည်။( ကိုယ်စိတ် ၂-ပါး လုံ့လပြုသည်)
(၅) ခိုးယူရရှိပြီး ခိုးမှုကိစ္စ အထမြောက်ရမည်။
ဤအင်္ဂါ ၅-ပါးနှင့် ပြည့်စုံလျှင် အဒိန္နာဒါနကံ ထိုက်ပါသည်။ ဦးခင်မောင်သန်းသည် စီးပွားတူလုပ်နေသဖြင့် မိမိဥစ္စာအဖြစ်လည်း တစိတ်တပိုင်း ပြောနိုင်သည်။ မိမိ၏လုပ်အားခအဖြစ်သော်၎င်း၊ အကျိုးအမြတ် အဖြစ်သော်၎င်း မှတ်ယူနိုင်သည်။ ထိုလုပ်အားခ သဘော၊ မိမိ၏ အကျိုးအမြတ်သဘောဖြင့် သင့်တင့်လျောက်ပတ်စွာ မိဘများကို ထောက်ပံ့ခြင်းမှာ ခိုးလိုစိတ်ဖြင့် မဟုတ်သဖြင့် အပြစ်မရှိနိုင်ဟု ယူဆရပါမည်။
သို့ရာတွင် သင့်တင့်လျော်ကန်သော အချိုးအစားမဟုတ်ဘဲ အတိုင်းအဆများစွာ မသိအောင် ပေးလျှင်ကား မိမိစိတ်တွင် မည်သို့သော စိတ်စေတနာပါမည်-မပါမည်ကို အထက်ပါအင်္ဂါ ၅-ရပ်နှင့် နှိုင်းယှဉ်၍ မိမိဘာသာ ဆုံးဖြတ်နိုင်ပါလိမ့်မည်။ (လောကတွင် တရားမျှတစွာ ပြုတတ်ဖို့ လွန်စွာ အရေးကြီးပါသည်။)
********************************************************************************
(မေး) (မေတ္တာ နှင့် ဒေါသ)
အရှင်ဘုရား အဘိဓမ္မာသဘောတရားချင်း အတူတူဖြစ်လို့ မေတ္တာပို့၍ ရသည်ဆိုလျှင် မေတ္တာ၏ ဆန့်ကျင်ဘက် ဒေါသကိုလည်း ပို့လို့ရမည်ဟု ထင်ပါသည်။ ဒေါသ ပို့လို ရ-မရ သိချင်ပါသည်ဘုရား။
(မောင်သုတ-သင်္ဃန်းကျွန်း)
(ဖြေ) မေတ္တာပို့လို့ရောက်ပါသည်။ ရပါသည်။
မေတ္တာ၏ဆန့်ကျင်ဘက် ဒေါသလည်း ပို့လို့ရပါသည်။ ရောက်ပါသည်။
မေတ္တာနှင့်ဒေါသကို နှိုင်းယှဉ်ကြည့်လျှင် မေတ္တာသည် လောကကို ကောင်းကျိုးပြုသောတရား၊
ဒေါသက လောကကို ဖျက်ဆီးသောတရား။
မေတ္တာသည် အဖြူ ကုသိုလ်တရား။
ဒေါသသည် အမဲ အကုသိုလ်တရား။
မေတ္တာသည် တန်ဖိုးကြီးသော ရတနာစိန်ကျောက်။
ဒေါသက လမ်းခင်းတဲ့ ကျောက်ခဲ၊ သလဲခဲ။
မေတ္တာသည် ရခဲ ဖြစ်ခဲ ရှိခဲသောတရား။
ဒေါသက ဖြစ်လွယ် ရလွယ် ရှိလွယ်သောတရား။
မေတ္တာသည် ရေဆန်ခရီး၊
ဒေါသက ရေစုန်ခရီး စသည်ဖြင့် အမျိုးမျိုး ခြားနားချက်ရှိသည်ကို သိနိုင်ပါသည်။
လောကကောင်းကျိုးပြု ရခဲ၊ ဖြစ်ခဲသော မေတ္တာနှင့် ဒါန၊ သီလ စသော ကုသိုလ်တရားတို့ကိုကား မရရအောင် အတင်းလုပ်ယူကြပါသည်။
လောကကို ဖျက်ဆီးမည့် အကုသိုလ်ဒေါသတရားဆိုးများကတော့ သတ္တ၀ါတို့သန္တာန်မှာ အလွန်အကဲ ရလွယ်၊ ဖြစ်လွယ်လွန်းသည်။ သတ္တ၀ါတို့၏ သန္တာန်မှာ ဒီတရားဆိုးတွေ မဖြစ်အောင် တားဆီးနေကြရပါသည်။ ထို့ကြောင့် အထူးတလည် ပို့စရာမလိုတော့ပြီ။
မေတ္တာမပို့နိုင်ခဲ့လျှင် ရှိပါစေ၊ ဒေါသကတော့ ပို့ဖို့ မကြိုးစားပါနဲ့။ မတွေးဝံ့စရာပါ။ ချစ်ခြင်း၊ မုန်းခြင်း နှစ်မျိုးလုံးမပါသော ဥပေက္ခာတရားနှင့် သဗ္ဗေသတ္တာ ကမ္မဿကာ သတ္တ၀ါအားလုံး ကံသာလျှင် ကိုယ်ပိုင်ဥစ္စာ ရှိကြပါ၏။ သက်ရှိသက်မဲ့အားလုံး မမြဲခြင်း သင်္ခါရသဘောတရား အထင်အရှားရှိကြပါ၏။ အချိန်ကာလက အဆုံးအဖြတ်ပေးသွားပါလိမ့်မည်။ သည်းခံပါလေ။ သူ့ကံနှင့်သူ ထင်ရှားသွားကြပါလိမ့်မည်။ မိမိအကုသိုလ်တွေ တနင့်တပိုးကြီး သံသရာကို ယူဆောင်မသွားပါလေနဲ့။
********************************************************************************
(မေး) (သံဃာဒိသိသ်အာပတ်)
အရှင်ဘုရား၊ ရဟန်းတပါးသည် သံဃာဒိသိသ်အာပတ် သင့်ခဲ့သော် ဖုံးလွှမ်းထားသမျှသော ရက်တို့ပတ်လုံး ပရိဝတ်ဆောက်တည်ခြင်း၊ ခြောက်ရက် မာနတ်ကျင့်ရခြင်း၊ သံဃာ ၂၀-နှင့် အဗ္ဘာန်သွင်းရခြင်းတို့ကို ပါတိမောက်၌ တိုက်ရိုက်ဆိုထားပါလျက် သံဃာဒိသိသ်အာပတ်သင့်သောရဟန်းသည် ရက်ပေါင်း ၁၀၀-လောက် ဖုံးထားပြီး ရက်ပေါင်း ၂၀-လောက်သာ ပရိဝတ်ဆောက်တည်၍ ကုစားလျှင် ပျောက်ပါသလား ဘုရား။
(အရှင်ဉာဏ၀ံသ-ကန်သာ၊ မိတ္ထီလာ၊ ခေတ္တ-စိန်မမပါဠိတက္ကသိုလ်၊ မော်လမြိုင်)
(ဖြေ)
မပျောက်ပါ။ ရက်ပေါင်း ၁၀၀-ဖုံးလွှမ်းထားလျှင် ရက်ပေါင်း ၁၀၀-ပရိဝတ် နေရပါမည်။ ၁၅-ရက်၊ ရက်ပေါင်း ၂၀- ပရိဝတ်နေ၍ ကုစားကြသည်မှာ ဒေသနာမှန်မှန်ကြား၍ ဥပုသ်မှန်မှန်ပြုသော ရဟန်းတို့မှာ ၁၅-ရက်တကြိမ် ဥပုသ်ပြု ဒေသနာ ကြားတတ်ကြ၍ ဖြစ်သည်။ ဥပုသ် မှန်မှန်မပြုဖြစ်သော ရဟန်းအတွက် မသေချာသောကိစ္စ ဖြစ်သည်။
အကောင်းဆုံးမှာ မိမိ မည်မျှစင်ကြယ်ခဲ့သည်၊ မစင်ကြယ်ခဲ့သည်ကို စဉ်းစား၍ သံသယကင်းလောက်အောင် ပရိဝတ်ဆောက်တည်ရမည်။ ဥပမာ-မိမိ မစင်ကြယ်ဟု ယူဆသော ကာလအပိုင်းအခြားထိ သတ်မှတ်၍ ဆောက်တည်ရမည်။ ရဟန်းခံပြီး ဘယ်နှစ်ဝါထိ သန့်ရှင်းသည်။ ထို့နောက် မသန့်ရှင်းတော့။ ထိုမသန့်ရှင်းသော နှစ်အပိုင်းအခြားတိုင်အောင် ပရိဝတ်နေရမည်။ ရဟန်းဖြစ်စကတည်းက မစင်ကြယ်ခဲ့ဟု ယူဆလျှင် ရဟန်းဝါအလိုက် (သဒ္ဓန္တ) ပရိဝတ်နေရမည်။ သီလကို ချစ်မြတ်နိုးကုန်သော ရဟန်းကောင်းတို့သည် မှန်မှန် ဥပုသ်ပြု၍ ဒေသနာကြားခြင်းဖြင့် အာပတ်များ မသင့်အောင်၊ သင့်လျှင်လည်း မဖုံးထားမိအောင် ကျင့်ရာ၏။
********************************************************************************
(မေး) ( ဘရားများနှင့် မယ်တော်)
အရှင်ဘုရား၊ ဂေါတမဘုရားရှင်သည် နတ်ပြည်တက်၍ မယ်တော်ဖြစ်ဖူးသော နတ်သားကို တရားဟောသည်ဟု စာပေများတွင် ဖတ်ရှုရပါသည်။ မယ်တော်ဖြစ်ဖူးသော နတ်သားသည် တရားနာရသော်လည်း ကျွတ်တမ်းမ၀င် ဟု ထင်ပါသည်။ တပည့်တော်ကြားဖူးသည်မှာ မယ်တော်မာယာဒေ၀ီ မိဖုရားကြီးသည် ဘဒ္ဒကမ္ဘာတွင် ပွင့်တော်မူသော ဘုရာငါးဆူလုံး၏ မယ်တော်ဖြစ်ရပါလို၏ဟု ဆုတောင်းထား၍ အရိမေတ္တေယျ ဘုရားလောင်း ကို ဖွားမြင်ပြီးမှ ကျွတ်တမ်းဝင်မည်ဟု ကြားသိဖူးပါသည်။ မှန်-မမှန် ကျမ်းအကိုးအကားနှင့် ရှင်းလင်းဖြေကြား ပေးတော်မူပါဘုရား။
(ဦးမြဟန်-ရန်ကုန်မြို့)
(ဖြေ)
မမှန်ပါ၊ ဘုရားလောင်းကို မွေးဖွားပြီးသော မယ်တော်သည် ၇-ရက်မျှသာ လူ့ဘုံ၌ နေ၍ နတ်ရွာစံရသည်။ တုသိတာနတ်ပြည်၌ ဖြစ်မြဲဖြစ်သည်။ အဘယ့်ကြောင့် ၇-ရက်မျှသာ နေရသည်ဆိုသော် ဘုရားတဆူ ကိန်းပြီးသော မယ်တော်ဝမ်းတိုက်သည် စေတီကိန်းသော စေတီတိုက်နှင့်တူ၏။ စေတီထိုက်သောနေရာသည် တပါးသောသူတို့ သန္ဓေယူ ကိန်းအောင်းခြင်းငှါ၎င်း၊ သုံးဆောင်ခြင်းငှါ၎င်း၊ မထိုက်တော့ပေ။ ထို့ကြောင့် ၇-ရက်မျှသာနေ၍ တုသိတာနတ်နန်းသို့ စံမြန်းရမြဲ ထုံးစံဖြစ်လေ၏။
မယ်တော်မာယာ၏ ရှေးဘ၀အစဉ်အဆက်ကိုကြည့်လျှင် ၀ိပဿီမြတ်စွာဘုရားလက်ထက်တွင် ဗန္ဓုမမင်းကြီး၏ သမီးကြီးဖြစ်ပြီး ဘုရားရှင်အား စန္ဒကူးမှုန့်ဖြင့် ပူဇော်၏။ ကျောင်းတော်ကိုလည်း စန္ဒကူးမှုန့်တို့ဖြင့် ကြဲ၍ ပူဇော်၏။ နောင်အခါ မြတ်စွာဘုရားရှင်၏ မယ်တော်ဖြစ်ရလိုကြောင်း ဆုတောင်းခဲ့၏။
တဖန် ကဿပဘုရားရှင်လက်ထက၌ ကိကီမင်းကြီး၏ သမီးတော် ၇-ဖော်တွင် သုဓမ္မာ မည်သော သမီးဖြစ်၍ အသက်ထက်ဆုံး အဗြဟ္မစရိယသိက္ခာပုဒ် ထိန်းသိမ်း၍ နေသွားခဲ့၏။ ထို့နောက် ဝေဿန္တရာဇာတ်တော်၌ မယ်တော်မာယာလောင်းသည် ဝေဿန္တရာမင်းကြီး၏ မယ်တော် ဖုဿတီ မိဖုရားကြီး ဖြစ်လာ၏။ ငါတို့ဂေါတဘုရားလက်ထက်တွင် ဂေါတမဘုရား၏ မယ်တော်မာယာ ဖြစ်လာသည်ဟုဆိုသဖြင့် ဘုရားငါးဆူလုံး၏ မယ်တော်ဖြစ်ရမည်ဆိုလျှင် ကဿပဘုရားရှင်၏ မယ်တော်လည်း ဖြစ်ရမည်သာ။ ထိုသို့ကား မဖြစ်ခဲ့။ ကဿပဘုရားရှင်လက်ထက်တွင် ကိကီမင်းကြီး၏ သမီးတော် ၇-ဖော်တွင် သုဓမ္မာမည်သော သမီးဖြစ်၍ အသက်ထက်ဆုံး အဗြဟ္မစိရိယသိက္ခာပုဒ် ထိန်းသိမ်းသော အပျိုစင်ဘ၀ဖြင့် နေထိုင်သွားခဲ့၏။ ကဿပဘုရား၏ မယ်တော်သာ ဖြစ်ရရိုးမှန်လျှင် မွေးဖွားပြီး ၇-ရက်သာနေ၍ နတ်ရွာစံရမည်သာ ဖြစ်လေသည်။ ဤအချက်ကိုထောက်၍လည်း မမှန်ကန်ကြောင်း သိသာလှပါသည်။
(သုတ်မဟာဝါ-ဋ္ဌ၊ မဟာပဒါနသုတ်နှင့် ဝေဿန္တရာဇာတ်တို့၌ ဖော်ပြချက်အရ ဖြစ်သည်)။
ထို့ပြင် ဘုရားရှင်တို့သည် သူ့ခမည်းတော်၊ မယ်တော် အသီးသီးရှိကြကုန်၏။ ဗုဒ္ဓ၀င်ပါဠိ၌-
(က) ကကုသန်-ခမည်းတော် ပုဏ္ဏားမျိုး အဂ္ဂိဒတ္တ။ မယ်တော် ၀ိသာခါ။
(ခ) ကောဏာဂုံ-ခမည်းတော် ပုဏ္ဏားမျိုး ယညဒတ္တ။ မယ်တော် ဥတ္တရာ။
(၈) ကဿပ-ခမည်းတော် ပုဏ္ဏားမျိုး ဗြဟ္မဒတ္တ။ မယ်တော်-ဓန၀တီ။
(ဃ) ဂေါတမ-ခမည်းတော် မင်းမျိုး သုဒ္ဓေါဒန။ မယ်တော် မာယာဒေ၀ီ။
(င) အရိမေတ္တေယျ-ပုဏ္ဏားမျိုး သုဗြဟ္မာ။ မယ်တော် ဗြဟ္မ၀တီ တို့ဖြစ်သည်။
အထက်လေးဆူကို ဗုဒ္ဓ၀င်ပါဠိ၌ပြပြီး အရိမေတ္တေယျ အကြောင်းကိုကား ၀ိသုဒ္ဓ်မဂ် ဋ္ဌ-အနာဂတံသဉာဏ် အဖွင့်တွင် အနာဂတေ မေတ္တေယျောနာမ ဘဂ၀ါ ဥပ္ပဇ္ဖိဿတိ၊ သုဗြဟ္မာ နာမဿ ဗြဟ္မဏော၊ ပိတော ဘ၀ိဿတိ။ ဗြဟ္မ၀တီနာမ ဗြဟ္မဏီ မာတာတိ-ဟု မဟာဝင်၊ ထူပ၀င်၊ အနာဂတ၀င်ကျမ်းတို့၌လည်း သိဝုဒ္ဓိမဂ်နှင့်အတူ ပြဆိုထားသဖြင့် ခမည်းတော် မယ်တော် သီးခြားစီသာ ဖြစ်ကြကုန်၏။
မယ်တော်တဦးတည်းဖြစ်သည်ဟု ပြဆိုထားသော ကျမ်းဂန်မရှိ၍ မမှန်ကန်ကြောင်း မှတ်ယူရာ၏။
မယ်တော်ဖြစ်ဖူးသော သန္တုတိနတ်သားသည် အဘိဓမ္မာတရားကို နာကြား၍ သောတာပန်အဖြစ်သို့ ရောက်ရှိခဲ့သည်။ အထက်မဂ်ဖိုလ်အဆင့်ဆင့်သို့ တက်ရောက်ပြီး နိဗ္ဗာန်ဝင်မည်။
(မြတ်မင်္ဂလာ ၂၀၀၈-ခု ဇန်န၀ါရီလ)
၁ ဒေါ်လာ= ၉၈၀ ကျပ်
၁ ဘတ် = ၃၁ ကျပ်
