( ဘဒ္ဒန္တ ၀ါယာမသာရ ဖြေသည် )
(မေး) (ဒါနပြုရာတွင်)
အရှင်ဘုရား၊ ဒါနကောင်းမှု ပြုလုပ်ရာတွင် လက္ခဏာယာဉ်သုံးပါးတင်၊ ၀ိပဿနာဉာဏ် ဆင်ခြင်ပြီးလှူမှ မြတ်တယ်။ မဂ်ဖိုလ်နိဗ္ဗာန်ကို ကျေးဇူးပြုတယ်။ အဲဒီအလှူမှ အလွန်မြတ်တာ။ ဒါကြောင့် ၀ိပဿနာဉာဏ်ဆင်ခြင်၊ လက္ခဏာယာဉ်သုံးပါးတင် လှူရမယ်လို့ ဟောပြောနေတာ တွေ့မြင်ကြားသိနေရပါတယ်ဘုရား။ ၀ိပဿနာ မတင်နိုင်သော အလှူများ၊ မဂ်ဖိုလ်နိဗ္ဗာန်ကို ကျေးဇူးမပြုနိုင်တော့ဘူးလားဘုရား။ ကျမ်းဂန်အထောက်အထား အညွှန်းပါဠိများ ကိုးကား၍ ဖြေကြားပေးတော်မူပါဘုရား။
(အရှင်ဥက္ကံသ-စစ်တွေမြို့)
(ဖြေ)
ဒါနအရာတွင် ပုဗ္ဗစတနာ၊ မုဉ္စစေတနာ၊ အပရစေတနာ-ဟု စေတနာသုံးတန် ပြည့်စုံရမည်။ ကံ ကံ၏အကျိုးကို သိမြင်၍ မဂ်ဖိုလ်နိဗ္ဗာန်တိုင်ထိ ရည်ရွယ်မှန်းထားပြီး ဉာဏ်နှင့်ယှဉ်၍ လှူဒါန်းရမည်။ ထိုကဲ့သို့ မဂ်ဖိုလ်နိဗ္ဗာန်ကို တကယ်လိုချင်သောစိတ်ဖြင့် ရည်ရွယ်မှန်းထား၍ လှူဒါန်းနိုင်ခြင်းသည်သာ ပဓာနဖြစ်သည်။ ထိုကုသိုလ်သည် မဂ်ဖိုလ်နိဗ္ဗာန်ကို ကျေးဇူးပြုနိုင်ပါသည်။
လက္ခဏာယာဉ်သုံးပါးတင်၍ ၀ိပဿနာဉာဏ်ဖြင့် ဆင်ခြင်၍ လှူရမည်ဟု ဆိုရာ၌ ဒါနပြုရင်း ၀ိပဿနာ ကုသိုလ်ပါ ရစေချင်၍ ပြောဆိုကြခြင်း ဖြစ်သည်။ ၀ိပဿနာတင်လှူနိုင်မှ မဂ်ဖိုလ်နိဗ္ဗာန်ကို ကျေးဇူးပြုနိုင်သည်။ ဉာဏ်နှင့်ယှဉ်၍ လှူခြင်းဖြစ်သည်ဟု ဆိုလိုရင်းမဟုတ်ပါ။ ကံ ကံ၏အကျိုးတရားကို သိမြင်၊ မဂ်ဖိုလ်နိဗ္ဗာန်ကို လိုချင်စိတ်ဖြင့် လှူဒါန်းလျှင်ပင် ဉာဏသမ္ပယုတ် ဉာဏ်နှင့်ယှဉ်ခြင်း ဖြစ်တော့၏။
ဤမေးခွန်းအတွက် မှတ်ဖွယ်ကောင်း၍ မင်းကွန်းဆရာတော်ဘုရားကြီး၏ မဟာဗုဒ္ဓ၀င် စာတမ်းကို ဖတ်ကြည့်ကြပါဦး-
ဤအရာ၌ ကံ ကံ၏အကျိုး စသည်တို့ကို သိမြင်နားလည်သော ဉာဏ်နှင့်ယှဉ်ခြင်းပင် ဉာဏသမ္ပယုတ် ကုသိုလ်ဒါနဖြစ်ဖို့ရန် အကြောင်း လုံလောက်ပေပြီ။ လှူဒါန်းသောအခါ မြင့်မြတ်သော ၀ိပဿနာဉာဏ်နှင့် ယှဉ်ရမည်။ ယှဉ်ပုံကား-
လှူဒါန်းသော ဒါယကာ ငါသည်လည်း အနိစ္စ၊ မမြဲသောတရားပင် ဖြစ်သည်။
လှူဖွယ်ဝတ္ထု ပစ္စည်းသည်လည်း အမြဲသောအနိစ္စပင် ဖြစ်သည်။
အလှူခံပုဂ္ဂုလ်သည်လည်း မမြဲသော အနိစ္စပင် ဖြစ်သည်။
အနိစ္စဖြစ်သော ငါသည် အနိစ္စဖြစ်သော ပစ္စည်းကို အနိစ္စဖြစ်သော အလှူခံအား လှူဒါန်းနေခြင်းမျှသာ ဖြစ်သည်ဟု နှလုံးသွင်းကာ လှူဒါန်းရမည်ဟု ညွှန်ကြားပြောဆိုကြသည်ကား မြတ်သော ၀ိပဿနာဉာဏ် ဖြစ်စေလိုသည့် အတွက်သာ ပြောဆိုခြင်းဖြစ်သည်။ ပြောသည့်အတိုင်း မဟုတ်လျှင် ဉာဏသမ္ပယုတ်ဒါန မဖြစ်-ဟူ၍ကား မမှတ်အပ်။
ဝိပဿနာအစစ်ကို ပွားလိုသောသူသည် ရှေးဦးစွာ ငါသူတပါး ယောက်ျားမိန်းမ-စသော ပုဂ္ဂိုလ်စွဲ၊ အတ္တစွဲ ပယ်ဖျောက်ပြီးလျှင် ရုပ်နာမ်အစုမျှသာ ဖြစ်သည်ကို ထင်မြင်ပြီးမှ ထိုရုပ်နာမ်တို့သည် အနိစ္စ၊ ဒုက္ခ၊ အနတ္တ ဖြစ်သည်ဟု ရှုရ၏။ ငါ အနိစ္စ၊ အလှူပစ္စည်း အနိစ္စ၊ အလှူခံ အနိစ္စ ဟူ၍ ရုပ်နာမ်သို့ မထိခိုက်ဘဲ ပညတ်တွင်ရှု၍သာ လက္ခဏာယာဉ်တင်၍ ထင်နိုင်-ရနိုင်ကြမည် မဟုတ်ပေ။ ရှင်းလောက်ပြီဟု ယူဆပါသည်။
********************************************************************************
(မေး) (ပဋ္ဌာန်းနှင့် မကောင်းဆိုးဝါး၊ ဆရာက သောတာပန် မဟုတ်ဘဲ တပည့်က သောတာပန် ဖြစ်နိုင်ပါသလား၊ မိဘနှင့် သားသမီး စကားမပြောလျှင်)
အရှင်ဘုရား၊ (၁) မေတ္တသုတ်ရွတ်လျှင် မကောင်းဆိုးဝါးများက မခြောက်လှန့်ဘဲ ပဋ္ဌာန်းဒေသနာရွတ်လျှင် မကောင်းဆိုးဝါးများက ခြောက်လှန့်တတ်သည်ဟု လူအများ ပြောဆိုနေကြသည်မှာ မှန်-မမှန် ဖြေကြားပေးတော်မူပါဘုရား။
(၂) ဆရာက သောတာပန် မဖြစ်ဘဲ တပည့်က သောတာပန် ဖြစ်နိုင်ပါသလား။
(၃) မိဘနှင့် သားသမီး အဆင်မပြေ၍ စကားမပြောသည်မှာ မည်သည့်ကံ ထိုက်ပါသနည်း။
(ဒေါ်ကေတီ-နေပြည်တော်)
(ဖြေ)
(၁) မေတ္တသုတ်ရွတ်လျှင်လည်း မကောင်းဆိုးဝါးများ မခြောက်လှန့်သလို ပဋ္ဌာန်းရွတ်လျှင်လည်း မကောင်းဆိုးဝါးများ မခြောက်လှန့်နိုင်ပါ။
ပဋ္ဌာန်းတရားကို နတ်တွေကလည်း နှစ်သက်သဘောကျကြပါသည်။ ပဋ္ဌာန်းအပါအ၀င် အဘိဓမ္မာတရားတွေကို နတ်ပြည်မှာ အဓိက ဟောရခြင်းဖြစ်ပါသည်။ နတ်ကောင်း နတ်မြတ်တွေ နှစ်သက်ပြီး လာနာကြလျှင် မကောင်းဆိုးဝါးနတ်များ အလိုလိုရှဲပြီးသား၊ ကင်းပြီးသား ဖြစ်ပါသည်။ များများရွတ်ဖတ်ပါလေ။
(၂) ဆရာက သောတာပန် မဖြစ်ဘဲ တပည့်က အရင်သောတာပန် ဖြစ်နိုင်ပါသည်။ ဆရာကို တပည့်ကပြန်၍ တရားထူးရစေသော ၀တ္ထုသာဓကများ ရှိပါသည်။ ဂိုဏ်းကြီး ၁၈-ဂိုဏ်းကို စာပေပို့ချနေသော မဟာသိဝမထေရ်ကို တပည့်တပါးက လာ၍ သံဝေဂရစေပြီး အရဟတ္တဖိုလ် တရားထူးရအောင် ဆောင်ရွက်ပေးခဲ့ရဖူး၏။( အံ-၁-ဋ္ဌ၊ ၃၁)
မဟာတိဿမထေရ်ကို တပည့်ဖြစ်သူ ဓမ္မဒိန္နာမထေရ်က တရားထူးရစေသည်များ သာဓကရှိပါသည်။
(၃) မိဘနှင့် သားသမီး အဆင်မပြေ၍ စကားမပြောဘဲ နေခြင်းဖြင့် အပြစ်မဖြစ်နိုင်ပါ။ အဆင်မပြေတုန်း စကားမပြောဘဲ နေခြင်းသည် အပြစ်ထပ်၍ မဖြစ်နိုင်သဖြင့် ကောင်းပါသည်။
အဆင်မပြေတုန်း ပြောသည့်စကားများသည် ကောင်းသည့်စကားများ ဖြစ်လာဖို့ ခဲယဉ်းပါသည်။ အဆင်ပြေအောင် ပြန်၍ ဖန်တီးကြရမည်။ တဦးက မှားလျှင် မှားသလို အပြန်အလှန် ခွင့်လွှတ်တောင်းပန် သင့်ကြ၏။
********************************************************************************
(မေး) ( ၁။ ကိုယ်တွင်းသာသနာနှင့် ကိုယ်ပသာသနာ၊ ၂။ ကိုယ်တွင်း သရဏဂုံနှင့် ကိုယ်ပ သရဏဂုံ)
အရှင်ဘုရား ၊ အောက်ပါအချက်များကို ကွဲပြားအောင် ဖြေကြားပေးတော်မူပါဘုရား။
(၁) ကိုယ်တွင်း သာသနာနှင့် ကိုယ်ပ သာသနာ။
(၂) ကိုယ်တွင်း သရဏဂုံနှင့် ကိုယ်ပ သရဏဂုံတို့ကို အများနားလည်အောင် ရှင်းလင်းပေးတော်မူရန် ဖြစ်ပါသည်ဘုရား။
(ဦးအရိယ၀ံသ၊ မြစ်ကြီးနားမြို့)
(ဖြေ)
သာသနာဆိုသည့် ဘုရားရှင်၏ အဆုံးအမစကားများကို မိမိရင်ထဲ၊ နှလုံးသားထဲမှာ အမြဲကပ်ထားနိုင်လျှင် ကပ်ထားနိုင်သလောက် ကိုယ်တွင်းသာသနာ ဖြစ်နိုင်သည်။
ဥပမာ-ငါးပါးသီလထဲက မုသာဝါဒါ ဝေရမဏိသိက္ခာပဒံ သမာဒိယာမိ-မုသားပြောခြင်းမှ ရှောင်ကြဉ်ပါ၏ ဆိုသော သာသနာ့အဆုံးအမ စကားလေးတခုကို မိမိကိုယ်ထဲ စိတ်နှလုံးထဲ အမြဲကပ်ထားဆောင်ထားလျှင် မုသားပြောဖို့ ကြုံတိုင်း ငါက မုသားပြောခြင်းကို ရှောင်ထားတာဖြစ်လို့ ဘယ်တော့မှ မပြောဘူး။ ဒီသီလ၊ ဒီသိက္ခာပုဒ်ကို စိတ်နှလုံးထဲ အမြဲကပ်ထား၊ ဆောင်ထားမယ်။ ဘယ်တော့မှ ကွာမသွားစေရ၊ ပျက်မသွားစေရ၊ မကျိုးမပေါက် မပြောက်မကျားစေရဘူးဆိုလျှင် ကိုယ်တွင်းသာသနာ ဖြစ်ပါပြီ။
မုသားမပါ လင်္ကာမချော-ဆိုပြီး လိမ်ချင်တဲ့အခါ လိမ်လိုက်၊ ညာလိုက်၊ မဟုတ်တာပြောလိုက်ဆိုလျှင်တော့ ကိုယ်တွင်းမှာ သိက္ခာပုဒ်ကွာသွား၊ ပျက်သွားပြီမို့ ကိုယ်ပ သာသနာအဆုံးအမများသာ ဖြစ်ပါလိမ့်မည်။
ရဟန်းများလည်း ရဟန်းသိက္ခာပုဒ် အဆုံးအမတွေ မတည်လျှင် ကိုယ်ပသာသနာပဲဖြစ်ပြီး သိက္ခာပုဒ်တွေ ထိမ်းသိမ်းမှ ကိုယ့်ရင်ထဲက သာသနာဖြစ်ပါမည်။
သာသနာဆိုသည့် အဆုံးအမတရားဂုဏ်ထဲမှာ သြနေယျိကဂုဏ်ဆိုတာ ရှိပါသည်။ သြပနေယျိကော-မိမိကာယ အဇ္ဈတ္တတွင် ရရှိပေါက်ရောက် ကိုယ်တွေ့မြောက်အောင် ကပ်၍ဆောင်ထားထိုက်သော တရား မည်ပါပေ၏-ဟု ဆိုထားပါသည်။ တရားတွေ မကပ်ထားလျှင် မတရားတွေကပ်ပြီး မတရားတာတွေကိုပဲ (အကုသိုလ်တွေကိုပဲ) လုပ်မိပြီး အပါယ်လေးပါး သံသရာပဲ လည်ရတော့မည်။ တရားကိုကပ်ထား ကိုယ်တွင်းမှာထည့်ထားမှ တရားတာတွေ (ကုသိုလ်တွေ) ကိုသာ လုပ်ဖြစ်ပြီး သုဂတိသံသရာနှင့် နိဗ္ဗာန်ကို ရောက်နိုင်မှာ ဖြစ်ပါသည်။
တန်ဖိုးရှိသော လောကရတနာ အမျိုးမျိုးကို လူတို့က ကိုယ်မှာကပ်ပြီး ၀တ်ဆင်ကြသည်။ ဂုဏ်လုပ်ကြသည်။ လောကအနေဖြင့် ဂုဏ်ရှိကြသည်။ အထင်ကြီးကြသည်။ တင့်တယ်ကြသည်။ ထို့ထက် ဘုရားအဆုံးအမ တရားရတနာကို ရင်ထဲ နှလုံးသားထဲမှာ အမြဲကပ်ထားသူအဖို့ ဘုရားရှင်နှင့် တလောကလုံး သုံးဆယ့်တဘုံက အထင်ကြီးလေးစားခံရသူ ဖြစ်ပါလိမ့်မည်။ သာသနာဆိုသည့် အဆုံးအမ ဓမ္မရတနာထက် မြတ်သော တန်ဖိုးရှိသော ကိုယ်တွင်းမှာအမြဲကပ်ထားသင့်သော ရတနာကား လောက၌ မရှိပါဟု ယံကိဉ္စိ ၀ိတ္တံ ဣဓ ၀ါ ဟုရံ ၀ါ၊ သဂ္ဂေသု ၀ါ ယံ ရတနံ ပဏီတံ၊ န နော သမံ အတ္ထိ တထာဂတေန-ဟုဆိုထားပါသည်။
အမြတ်ဆုံးရတနာ၊ တန်ဖိုးအရှိဆုံး ရတနာကို ကပ်ထား၊ ဆောင်ထားချင်သည်ဆိုလျှင်တော့ ဓမ္မရတနာ အဆုံးအမတရားစကားဆိုတဲ့ သာသနာကို ကိုယ်တွင်းမှာကပ်ထား။ ဆောင်ထားပါလေ။ တလောကလုံး တကမ္ဘာလုံးမှာ ဂုဏ်အရှိဆုံး၊ ကျက်သရေအရှိဆုံး ဖြစ်ပါ၏။
ကိုယ်တွင်း သရဏဂုံနှင့် ကိုယ်ပသရဏဂုံ ဆိုရာမှာလည်း ရတနာမြတ်သုံးပါးကို ကိုးကွယ်ယုံကြည် ဆည်းကပ်ရာတွင် ဘုရား တရား သံဃာ ရတနာမြတ်သုံးပါးသည် ငါတို့ကို အပါယ်ဆင်းရဲ စသည်တို့ကို ဖယ်ရှားပေးပြီး ချမ်းသာအမျိုးမျိုး၊ ကောင်းကျိုး အမျိုးမျိုး သုဂတိသံသရာနှင့် နိဗ္ဗာန်တိုင်ထိ ပို့ဆောင်ကယ်တင် မည့်ရတနာမြတ်များ ဖြစ်ပေသည်ဟု နှစ်နှစ်ကာကာ ယုံကြည်ကြရပါမည်။ ထိုသို့ ယုံကြည်ရာ၌ ဘုရား တရား သံဃာတို့သည် ဆင်းရဲပယ်ဖျောက် ချမ်းသာရောက်အောင် ဘေးရန်ပယ်ရှား ကောင်းကျိုးများအောင် ဆောင်ရွက်ပေးတော်မူသည်မှာ ဟုတ်မှဟုတ်ရဲ့လား-ဟု သံသယမရှိစေရ။
နောက်ဆုံး ဘုရား တရား သံဃာများကို ကိုးကွယ်ယုံကြည်နေခြင်းသည် အကျိုးမရှိ၊ မယုံကြည်နှင့် စွန့်လွတ်ရမည်။ မစွန့်လွှတ်လျှင် သတ်မည်-ဟု တဦးဦးက ဆိုလာလျှင်တော်မှ အသက်ကိုသာ စွန့်မည်။ ရတနာသုံးပါး ကိုးကွယ်ယုံကြည်မှုကို မစွန့်ဘူးဆိုလျှင် ကိုယ်တွင်းသရဏဂုံ ထိုက်ထိုက်တန်တန် ဖြစ်ပြီဟု သတ်မှတ်နိုင်ပါသည်။
လောက၌ အားထားလောက်စရာ မိဘ၊ ဆရာသမား ဆွေမျိုးဉာတကာ မိတ်ဆွေကောင်းများရှိခြင်းသည် ကိုယ်စိတ်လည်း ချမ်းသာ၏။ အစစအရာရာ အဆင်ပြေ၏။ ဂုဏ်လည်းရှိ၏။ အားကိုးအားထား ပြုလောက်စရာ မိဘ ဆရာသမား ဆွေမျိုးဉာတိ မိတ်ဆွေအပေါင်းအသင်းမရှိသူတို့မှာ ဘ၀တွင် အမျိုးမျိုး အားငယ်စရာ အားကိုးရာမဲ့ အနေဖြင့် စိတ်ထားသေးသိမ်၍ ကိုယ်အင်အား စိတ်အင်အားတို့ပင် ညှိုးမှိန်ကြရကုန်၏။
မည်သို့ပင် မိဘ ဆရာသမား စသည့် အားကိုးရာမဲ့ဖြစ်ပစေ။သရဏဂုံသုံးပါးတည်းဟူသော တလောကလုံးတွင် အမြတ်ဆုံးဖြစ်သည့် အားကိုးရာကို အားကိုးရာအဖြစ် နှစ်နှစ်ကာကာ စွဲမြဲစွာ မှတ်ယူထားပြီး ထိုဘုရား တရား သံဃာ တို့၏ ဆုံးမလမ်းညွှန်ချက်အတိုင်းသာ လိုက်နာကျင့်သုံးကြလျှင် ဘုရား တရား သံဃာတို့၏ သားရတနာ သမီးရတနာများအဖြစ်သို့ ရောက်ရှိပြီး ဖြစ်တော့သည်။
( မြတ်မင်္ဂလာ ၂၀၀၇-ခု ဒီဇင်္ဘာလ)
၁ ဒေါ်လာ= ၉၈၀ ကျပ်
၁ ဘတ် = ၃၁ ကျပ်
