( ဘဒ္ဒန္တ ၀ါယာမသာရ ဖြေသည် )

(မေး) (အဟံ ဘန္တေ အစချီသော သီလတောင်း)
အရှင်ဘုရား၊ အချို့ဆရာတော်များသည် ငါးပါး၊ ရှစ်ပါး၊ စသော သီလများပေးသည့်အခါ အဟံ ဘန္တေ အစချီသော သီလတောင်းကို ပထမအကြိမ်ဆိုပြီး ဒုတိယနှင့် တတိယကိုတော့ ပေါင်းပြီး ဆိုသွားတတ်ကြပါသည်။
အချို့ဆရာတော်များကျတော့ ဒုတိယနှင့် တတိယခွဲပြီး ဆိုကြပါသည်။ ဤကဲ့သို့ ဆိုခြင်းအကြောင်းကိ်ု ရှင်းလင်းဖြေကြားပါရန် လျှောက်ထားအပ်ပါသည်။
(ဦးစံရွှေ-အင်းစိန်)

(ဖြေ)
ငါးပါးသီလ၊ ရှစ်ပါးသီလသည် ဘုရားဟောတရားတော်များ ဖြစ်ပါသည်။ အဟံ ဘန္တေ အစချီသော သီလတောင်းပါဠိများကား ရှေးရှေးဆရာတော်ကြီးများ စီစဉ်ထားသော ပါဠိများဖြစ်ပါသည်။

ရှေးဆရာတော်ကြီးများက မြန်မာများ ဓမ္မပဋိသမ္ဘိဒါဉာဏ် ရင့်သန်စခြေင်းငှါ (ပါဠိနှင့် ရင်းနှီးစေခြင်းငှါ) ပါဠိလို သီလတောင်းသည့် စာသားကို စီစဉ်ခဲ့ခြင်းဖြစ်ပါသည်။ အလေးအနက် ဖြစ်စေခြင်းငှါ ၃-ကြိမ် ၃-ခါ ရွတ်ဆိုခြင်း ဖြစ်ပါသည်။ ဒုတိယမ္ပိ၊ တတိယမ္ပိ ပေါင်း၍ ဆိုသော်လည်းပဲ မိမိတို့စိတ်က အလေးအနက် ရှိဖို့ လိုရင်းဖြစ်ပါ၏။ လေးလေးနက်နက်သာ ခံယူပါ။
********************************************************************************

(မေး) (အဝေးပြေးခရီးသည်တင်ကားကြီးများ)
အရှင်ဘုရား၊ ယခုခေတ်တွင် အဝေးပြေး Air Con Bus ကြီးများသည် ခရီးသည်များကို တလမ်းလုံး Air Con ဖွင့်ပေးမည်ဟုပြောပြီး ယာဉ်းစီးခနှုန်းများ ပိုတောင်းကြပါသည်။ လမ်းခရီးတွင် ခဏသာဖွင့်ပေးပါသည်။ ထို့နောက် အကြောင်းအမျိုးမျိုးပြကာ ဖွင့်ပမေးကြတော့ပါ။ ခရီးသည်များ မကျေမနပ်ဖြစ်ကြပါသည်။ ထိုသို့ ၀န်ဆောင်မှု အပြည့်အ၀မပေးဘဲ ခရီးသည်များထံမှ အပိုတောင်းယူကြခြင်းသည် မည်သည့်အပြစ် ရှိပါသနည်း။ ဖြေကြားပေးတော်မူပါရန် ရိုသေစွာ လျှောက်ထားအပ်ပါသည်ဘုရား။
(သဒ္ဓါကျောက် ဆရာတော်-သံတွဲမြို့)

(ဖြေ)
အမျိုးမျိုး မက်လုံးပေး၍ ဆွဲဆောင်ကြ၊ လှည့်စား၍၊ လိမ်ညာ၍ သူတပါးဥစ္စာကို များများရအောင် ကြံစည်ကြခြင်းသည် မာယာ၊ သာဌေယျဖြင့် လှည့်စား၍ယူသော ခိုးယူခြင်းတမျိုး ဖြစ်ပါသည်။ ထိုခိုးယူပြစ်များမှာ-

သူ၏ဥစ္စာ၊ ခိုးမိပါမူ၊ ဥစ္စားနည်းမွဲ၊ ဆင်းရဲငတ်ဘိ၊ လိုရှိမရ၊ ဘောဂပျက်စီး၊ ရေ, မီး သူခိုး၊ မွေခံဆိုးနှင့်၊ မင်းဆိုးအပြား၊ ရန်မျိုးငါးကြောင့်၊ ပျက်ပြားဥစ္စာ၊ ဖြစ်တတ်စွာသည်၊ ရှောင်ခါအပြန် အကျိုးတည်း။
ဆိုသည့်အတိုင်း ပထမ ငရဲမှာကျတတ်သည်။ ငရဲမှ လွတ်လာပြန်သောအခါ ဖြစ်ရာဘ၀၌ ဆင်းရဲမွဲတေခြင်း၊ ငတ်မွတ်ခေါင်းပါးခြင်း အမျိုးမျိုးတို့နှင့် ကြုံတွေ့ရမည်။

ထို့ပြင် ဆီကို ရေနွေးပူကျက်ကျက်ရောခြင်း၊ ဆန်ကောင်းတွင် ဆန်ညံ့ရော၍ ရောင်းခြင်း၊ အလေး၊ တင်းတောင်း၊ အချိန်အတွယ် မမှန်မကန် လှည့်စား၍ ရောင်းခြင်း၊ ပစ္စည်းအညံ့ကို အကောင်းထင်အောင် ပြု၍ ရောင်းခြင်း၊ တန်ရာတန်ကြေးမဟုတ်ဘဲ မမှန်မကန် လှည့်စားယူခြင်း စသည်တို့ဖြင့် စီးပွားရှာကြသူများသည် သေလျှင် ပြာပူငရဲနှင့် ဖွဲပြာငရဲသို့ ရောက်ရကြောင်း ကျမ်းဂန်စာပေတို့၌ လာရှိပါသည်။
********************************************************************************

(မေး) ( မောင်ရှင်လောင်းနှင့် နတ်စင် နတ်နန်း)
အရှင်ဘုရား၊ တပည့်တော်တို့ အင်းလေးဒေသတွင် ရှင်သာမဏေ၀တ်မည့်သူများသည် ရှင်ပြုခါနီး မောင်ရှင်လောင်း အ၀တ်အစားများ ၀တ်ဆင်ပြီးသောအခါ အဘိုးအဘွားနှင့် ဦးကြီးဦးလေးတို့ထံ သွားရောက် ပြသကြပါသည်။ နတ်စင်နတ်နန်းသို့လည်း ပြသကြပါသည်။ ထိုအခါ မောင်ရှင်လောင်းများက အဘိုးအဘွားများကို မကန်တော့ကြပါ။ နတ်စင်ကိုလည်း မကန်တော့ကြပါ. နောက်ပါပုဂ္ဂိုလ်များကသာ ကန်တော့ကြပါသည်။ မောင်ရှင်လောင်းများက အဘိုးအဘွားများနှင့် နတ်စင်နတ်နန်းကို ကန်တော့ကောင်း၊ မကန်တော့ကောင်း အပြစ် ရှိ-မရှိ သိလိုပါသည်ဘုရား။
(မောင်အေး-အင်းလေး)

(ဖြေ)
မောင်ရှင်လောင်း၊ ရဟန်းလောင်များသည် ရှင်ရဟန်းတို့၏ အလောင်းအလျာဖြစ်ရုံနှင့်ပင် မြင့်မြတ်လှပြီဟု ယူဆ၍ မကန်တော့ကြခြင်း ဖြစ်ဟန်တူပါသည်။ ထိုအချိန်တွင် သာမဏေသီလ၊ ရဟန်းသီလတို့ကိုလည်း မခံယူ၊ မဆောက်တည်ရသေးသည့်အတွက် ဘိုးဘွားမိဘတို့အား မောင်ရှင်လောင်း များက ကန်တော့ခြင်းသည် အပြစ်မရှိပါ။ ကန်တော့ကောင်းပါသည်။ ကန်တော့ခြင်းဖြင့်လည်း သက္ကစ္စ၊ ဂါရ၀၊ နိဝါတ မင်္ဂလာအမျိုးမျိုးရရှိ၍ ကောင်းပါသည်။

ဒေသနာတော်များများတွင် မောင်ရှင်လောင်းများကို နတ်ပြသည့် အလေ့အထ ရှိပါသည်။ ထိုနတ်ပြရာတွင် မောင်ရှင်လောင်းများကို မကန်တော့စေပါ။ ကျန်ပရိသတ်များကသာ နတ်စင်ကို ကန်တော့ကြသည်ကို တွေ့ရှိရပါသည်။
ဤတွင် မောင်ရှင်လောင်းများသာ မကန်တော့ရသည်မဟုတ်၊ ကျန်ပရိသတ်များလည်း နတ်စင်၊ နတ်နန်းကို မကန်တော့သင့်ပါ။

လူသည် လူ့သီလနှင့်လည်း ပြည့်စုံ၊ သမ္မာအာဇီဝဖြင့်လည်း ဇနီးမယား၊ သမီးသားတို့အား လုပ်ကိုင်ကျွေးမွေး၍ တရားနှင့်အညီ နေထိုင်လျှင် နတ်တို့ဘုရင် သိကြားမင်းကြီးကသော်မှ လူများကို ရှိခိုးသမှု ပြုသည်ဟု အဆိုရှိပါသည်။ လူသည် သီလစောင့်လျှင် သိကြားမင်း၏ ရှိခိုးခံပုဂ္ဂိုလ်ဖြစ်သည်ဟု ဂဟဋ္ဌ၀န္ဒနာသုတ်တွင် ဘုရားရှင် ဟောတော်မူပါသည်။ ထို့ကြောင့် လူသည် အကျင့်သီလနှင့်လည်း ပြည့်စုံ၊ သမ္မာအာဇီဝဖြင့်လည်း လုပ်ကိုင်စားသောက် နေထိုင်လျှင် နတ်တို့၏ ရှိခိုးခံသာဖြစ်သောကြောင့် နတ်ကို ရှိခိုးစရာ မလိုပါ။
********************************************************************************

(မေး) (မြင်းမိုရ်တောင် ရှိ-မရှိ)
အရှင်ဘုရား၊ မြင်းမိုရ်တောင်သည် ယူဇနာပေါင်း ရှစ်သောင်းလေးထောင် မြင့်သည်။ မြင်းမိုရ်တောင်ခြေတွင် လူ့ပြည်ရှိသည်။ ထက်ဝက်တွင် စတုမဟာရာဇ်နတ်ပြည် ရှိသည်။ ထိပ်ဆုံးတွင် တာဝတိံသာနတ်ပြည် ရှိသည်။ နေသည် မြင်းမိုရ်တောင်ကို လှည့်၍သွားသည် စသည်ဖြင့် မြင်းမိုရ်တောင်အကြောင်း ဖတ်ရပါသည်။ သို့သော် မြင်းမိုရ်တောင်ကို မြင်ဖူးသူ မရှိကြပါ။ ဓာတ်ပုံ ပန်ချီများနှင့်သာ စိတ်ကူးဖြင့် သရုပ်ဖော်ထားသည်ကို တွေ့ရပါသည်။ သွား၍ရပါသလား၊ တကယ်ရှိပါသလား။ ရှင်းလင်းဖြေကြားပေးတော်မူပါဘုရား။
(မောင်လင်း-မုဒုံ၊ အရှင်ပညိဿရ-နတ္တလင်း၊ အောင်မိုးရွှေ-မြောက်ဥက္ကလာ)

(ဖြေ)
မြင်းမိုရ်တောင်နှင့်ပတ်သက်၍ စာအရှိ၊ စာအသိ အမျိုးမျိုး ရှိကြ၏။ ပြောကြ၊ ရေးကြသူများကလည်း စာအရှိ၊ စာအသိကိုပင် လိုက်ပြီး ရေးကြ၏။ အချို့ကလည်း မိမိတို့မှတ်သားထား၊ သဘောပေါက်ထားသလို ရေးကြ ပြောကြ၏။

မန္တလေးတဖက်ကမ်း မင်းကွန်းခေါင်းလေင်းကြီးအနီးတွင် သီတာ ၇-တန်၊ တောင်ရန် ၇-ထပ်၊ စကြာဝဠာ တံတိုင်း အထပ်ထပ်နှင့် မြင်းမိုရ်တောင်၏ တည်နေဟန်ကို သရုပ်ဖော်ထားသော မြသိန်းတန်စေတီတော်ကြီးတဆူ ရှိသည်။ စာလာ ပေလာ အရှိအတိုင်း နီးနီးစပ်စပ် သရုပ်ဖော်ထားပုံရသည်။ တဖန် ဆရာတော်ကြီးများ ယူဆကြသည်မှာ မဟာစည်ဆရာတော်ကြီးက လေးကျွန်းတမြင်းမိုရ်ကို ယခုခေတ် ဥရောပနိုင်ငံများရှိ အနောက်ကျွန်း စသည်ဖြင့် ယူဆသည်။
ကမ္ဘာ့သာသနာပြု အရှင်သေဋ္ဌိလာဘိဝံသ ဆရာတော်ကြီးလည်း ဤကမ္ဘာကြီးသည်ပင် မြင်းမိုရ်တောင်အလား ဟု ယူဆသည်။ ဤသည်တို့မှာလည်း ယူဆချက်များသာ ဖြစ်ပါသည်။

သီရိလင်္ကာဆရာတော်ကြီးတပါး၏ အယူအဆမှာ ကံအလျောက်ဖြစ်သော မြင်းမိုရ်တောင်စသည်တို့သည် သာမန်လူတို့ မမြင်နိုင်ကောင်းဟု ယူဆပါသည်။
သူ့ကျွန်းနှင့် သူ့သက်တမ်းကံအလျောက် အရှေ့ကျွန်း သက်တမ်း ၇၀၀၊
အနောက်ကျွန်း သက်တမ်း ၅၀၀၊
မြောက်ကျွန်း သက်တမ်း ၁၀၀၀၊
တောင်ကျွန်း သက်တမ်း အမြဲမရှိ-ဟု ဆို၏။

တောင်ကျွန်းတခုသာ သက်တမ်းအတိုးအဆုတ်ရှိသည်။ ကျန် ၃-ကျွန်းမှာ သူ့သက်တမ်းနှင့် သူ့ကံနှင့် သီးသန့်ရှိပြီး နတ်သက်တမ်းများလို သတ်မှတ်ထားချက်ရှိသည်။ ကံနှင့်ဘုံကို သာမန်လူတို့ မမြင်နိုင်ခြင်းမှာ သဘာဝကျသည်။
ထို့ကြောင့်ပင် လူမရောက် မြင်းမိုရ်တောင်ဟု ဆိုစကားရှိခဲ့သည်။ လောက၌ မကြံစည်အပ်သော အရာလေးမျိုးတို့မှာ ဘုရားအရာ၊ ဈာန်အရာ၊ ကံအရာ၊ လောကအရာတို့ဖြစ်သည်။
********************************************************************************

(မေး) (ဆွမ်းအကျိုး နှင် ရေအကျိုး)
အရှင်ဘုရား၊ တပည့်တော် ရေလှူခြင်းအကျိုး ၁၀-ပါးရှိသည်ဟု ကြားဖူးပါသည်။ အချိုရည်၊ အအေးမျိုးစုံ၊ ကော်ဖီ၊ လက်ဖက်ရည်တို့သည်လည်း အရည်ဖြစ်သောကြောင့် ထိုအရည်များလှူဒါန်းလျှင် ရေကဲ့သို့ အကျိုး ၁၀-ပါး ရရှိနိုင်ပါသလားဘုရား။ ဖြေကြားပေးပါရန်လျှောက်ထားအပ်ပါသည်ဘုရား။
(မအေးသီရိရွှေ-ရန်ကုန်မြို့)

(ဖြေ)
ရှေးက ဒါယိကာမကြီးတယောက် ဘုန်းကြီးတပါးကို ဆွမ်းကပ်သည့်အခါ မကျေနပ်သဖြင့် မေးသည့်မေးခွန်းနှင့်ပဲ ဖြေကြားပေးပါမည်။
ရှေးက ဒါယိကာမကြီးတယောက် ဆွမ်းကပ်သည့်အခါ ဘုန်းကြီးက ဆွမ်းအကျိုး ၅-ပါးရကြောင်း ဟောကြားပါသည်။ ထိုဒါယိကာမကြီး မပြန်ခင် နောက်တဦးက ရေလာလှူသည့်အခါ ရေအကျိုး ၁၀-ပါးရကြောင်း ဟောပါသည်။ သည်တွင် ဆွမ်းလှူသည့် ဒါယိကာမကြီးက ပိုက်ဆံအများကြီး ကုန်ရ၊ ချက်ရ၊ ပြုတ်ရနဲ့ အလုပ်များလှတဲ့ ဆွမ်းကျတော့ အကျိုး ၅-ပါးသာရပြီး မချက်ရ၊ မပြုတ်ရတဲ့ ရေကျတော့ အကျိုး ၁၀-ပါးတောင် ရသလားဘုရား-ဟု ဘ၀င်မကျ၍ ဘုန်းကြီးကိုလျှောက်ပါသည်။ ထိုအခါ ဘုန်းကြီးက ဒါယိကာမကြီး ဆွမ်း-ဆွမ်းဟင်းတွေချက်တော့ ရေမထည့်ရဘူးလား။ ထည့်ရပါတယ်ဘုရား။ အေး ဒါဆို ဆွမ်းအကျိုး ၅-ပါးရော၊ ရေအကျိုး ၁၀-ပါးရော ပေါင်းရင် ဒါယိကာမကြီးက ၁၅-ပါးတောင် ရတာပေါ့လို့ ဟောလိုက်မှ ကျေနပ်သွားလေသတဲ့။

ထိုနည်းအတူပင် အချိုရည်၊ လက်ဖက်ရည်တို့တွင်လည်း အာဟာရဓာတ်များပါသည်။ ထို့ကြောင့် အာဟာရအလှူအကျိုး ၅-ပါးနှင့် ရေနှင့် ရောစပ်ထားသဖြင့် ရေအကျိုး ၁၀-ပါးပါ ပေါင်းလျှင် ၁၅-ပါး ရရှိ်နိုင်ပါသည်။

( မြတ်မင်္ဂလာ ၂၀၀၉-ခု မတ်လ)