(ဘဒ္ဒန္တ ၀ါယာမသာရ ဖြေသည်)
(မေး) (အရှင်မောဂ္ဂလာန် နှင့် အရှင်သာရိပုတ္တရာ)
အရှင်ဘုရား။ တပည့်တော်သိလိုသည်မှာ အရှင်မောဂ္ဂလာန်ကိုယ်တော်မြတ်ကြီးသည် ဘ၀ဟောင်းက ဇနီးမယား၏ တောင်းဆိုချက်ဖြင့် မိဘများကို ရိုက်နှက်ခဲ့သဖြင့် ပရိနိဗ္ဗာန်စံခါနီးတွင် ခိုးသားငါးရာတို့၏ ရိုက်နှက်မှုကို ခံခဲ့ရသည်ဟု ဆိုပါသည်။
အရှင်သာရိပုတ္တရာ မထေရ်မြတ်ကြီးသည်လည်း ပရိနိဗ္ဗာန်စံခါနီးတွင် သွေးအန်သောရောဂါဝေဒနာကို ခံစားတော်မူရပါသည်။ ထိုသွေးအန်သောရောဂါ ခံစားရသည်မှာ ဘယ်ဘ၀က ၀ဋ်ကြွေးကြောင့် ဖြစ်သည်ကို သိလိုလှပါသည်ဘုရား။
(ဦးသိန်းထွေး၊ ကိုးထပ်ကြီးဘုရား၊ စမ်းချောင်း)
(ဖြေ)
အရှင်သာရိပုတ္တရာ၏ ပရိနိဗ္ဗာန်စံခန်းကို ကြည့်ရှုရာတွင် သွေးအန်သောရောဂါ (သွေးသွန်သောရောဂါဟု မဟာဗုဒ္ဓ၀င်၌ ဆို၏) ဖြင့် အရှင်သာရိပုတ္တရာ ပြင်းစွာခံစားရ၍ ပရိနိဗ္ဗာန်စံသည်ဟုသာ ပါရှိပါသည်။ မည်သည့်အကုသိုလ်ကံကြောင့်ဟု ပြဆိုထားချက် မတွေ့ရပါ။
အရှင်မောဂ္ဂလာန် ကိုယ်တော်မြတ်ကြီးအဖို့ ခိုးသားငါးရာ ရိုက်နှက်မှုမှာ အလွန်ကြီးကျယ်သော မိဘကို ရိုက်နှက်ခဲ့သည့် ကံကြီးကြောင့်ဖြစ်ပါသည်။ အလွန်ထင်ရှားသော ဖြစ်ရပ်များသာ မှတ်တမ်းတင်ပါသည်။ သာမန် သူသူငါငါ ဖြစ်လေ့ဖြစ်ထရှိသော ကိစ္စလေးများကို သမိုင်းမှတ်တမ်း တင်လေ့မရှိပါ။ အရှင်သာရိပုတ္တရာ သွေးအန်၊ သွေးသွန်သော ရောဂါမှာ အများသူငါ ဖြစ်လေ့ဖြစ်ထရှိသော ရောဂါဝေဒနာအဆင့်မျှသာ ဖြစ်ပါသည်။ အကုသိုလ်ကံ တခုခုကြောင့်ဟု သတ်မှတ်ရလောက်အောင် အဆင့်မဟုတ်ပါပေ။ ထို့ကြောင့် ၀ဋ်ကြွေး တခုခုကြောင့်ဟု အကြောင်းကို မဖော်ပြခြင်း ဖြစ်ပါသည်။
********************************************************************************
(မေး) (ပုတီးစိပ်လျှင်)
အရှင်ဘုရား၊ ပုတီးစိပ်လျှင် ဂုဏ်တော်များကို နှုတ်ကရွတ်ဆိုမှ အာနိသင်ထက်ပါသလား။ စိတ်ထဲမှာပင် ဆင်ခြင်၍ ရွတ်ဆိုနေလျှင်ရော အစွမ်းအာနိသင် ထက်မြက်နိုင်ပါသလား။ ဖြေကြားပေးတော်မူပါဘုရား။
(မဇင်မာဦး၊ စီးပွားရေးတက္ကသိုလ်၊ ရွာသာကြီး)
(ဖြေ)
နှုတ်ဖြင့် ရွတ်ဆိုသည်ဖြစ်စေ၊ စိတ်ဖြင့် ဆင်ခြင်၍ ရွတ်ဆိုသည်ဖြစ်စေ ဂုဏ်တော်မှာ အာရုံရောက်နေ၊ တည်နေဖို့ လိုရင်းဖြစ်ပါသည်။ ဂုဏ်တော်မှာ စိတ်အာရုံစိုက်ထားနိုင်အောင် နှလုံးသွင်း ဆင်ခြင်ပါလေ။
********************************************************************************
(မေး) (ဆွမ်းကျန် ဟင်းကျန်များ)
အရှင်ဘုရား၊တပည့်တော်မ၏အသိ ချမ်းသာသူတဦးသည် ဘုန်းကြီးကျောင်းသို့ နေ့စဉ် ဆွမ်းပို့ပါသည်။ အပြန်တွင် ဆွမ်းကျန်၊ ဟင်းကျန်များကို ပြန်၍ယူလာပါသည်။ ဘုန်းကြီးမသိအောင် ယူလာခြင်းဖြစ်ပါသည်။ အပြစ် ရှိ-မရှိနှင့် အပြစ်ရှိလျှင် မည်သို့သောအပြစ်မျိုး ရှိမည်ကို သိလိုပါသည်ဘုရား။
(မဇင်မာဝေ-ရွာသာကြီး)
(ဖြေ)
ရဟန်းသံဃာများ ကျွေးကောင်း ပေးကောင်းသော ပုဂ္ဂိုလ်များမှာ-
အန္တရာယ်ပြုနိုင်သော ခိုးသား၊ ဓားပြများ၊
အထီးကျန် ကပ်ပါးဆင်းရဲသူများ၊
မိဘရင်းများ၊
ဘုရား၊ ကျောင်းနှင့် သံဃာ့ဝေယျာဝစ္စ ပြုသူများကို ပေးကောင်း ကျွေးကောင်းပါသည်။
နေ့စဉ် ဆွမ်းဝတ်ပြု ချက်ပြုတ်၍ ပို့လှူနေခြင်းသည် သံဃာဝေယျာဝစ္စ ပြုသူစာရင်းတွင် ပါဝင်သူဖြစ်သည်ဟု ယူဆနိုင်ပါသည်။ ထို့ပြင် ထမင်းကျန်၊ ဟင်းကျန် ပိုလျှံသော အကြွင်းအကျန်များကို ယူခြင်းဖြစ်လျှင် (အလဟဿ မဖြစ်စေရန်) ယူဆောင်ခြင်းမျိုးဖြစ်၍ အပြစ်မရှိဟု ပြောနိုင်ပါသည်။
မိမိက နည်းနည်းပို့ပြီး များများပြန်ယူသွားသော်၎င်း၊ မိမိက အညံ့ပို့ပြီး ကောင်းမွန်သည်ကို ပြန်ယူသွားသော်၎င်း၊ တမင်သက်သက် ပြန်ယူလိုသည့်စိတ်ဖြင့် ပြန်ယူနေသော်၎င်း အပြစ်ရှိပါသည်။
သံဃာပစ္စည်း၊ အဆိပ်သီး၊ ဘုရားပစ္စည်း ငရဲမီး-စသည်ဖြင့် ဆိုထားသည့်အတိုင်း အဆိပ်သီးနှင့် ငရဲမီးစာ - ဖြစ်ပါလိမ့်မည်။
********************************************************************************
(မေး) (မောဃပုရိသ)
အရှင်ဘုရား၊ သာသနာ့သမိုင်းတွင် ပထမဆုံး ပါရာဇိကပြစ်မှုကြီးကို ကျူးလွန်သွားသော အရှင်သုဒိန်သည် ရဟန္တာ ဖြစ်-မဖြစ်နှင့် ထိုအရှင်မြတ်၏ဘ၀နောက်ပိုင်း အဖြစ်အပျက်ဇာတ်လန်းကို သိလိုပါသည်ဘုရား။
ထို့ပြင် တပည့်တော်ကြားဖူးသည်မှာ မြတ်စွာဘုရားရှင်က မောဃပုရိသ=မဂ်ဖိုလ်မှ အချည်းနှီးသောယောက်ျား ဟု ခေါ်ခံရသောပုဂ္ဂိုလ်များသည် ယခုဘ၀တွင် မဂ်ဖိုလ်မရနိုင်တော့ဟု ကြားဖူးပါသည်။ မောဃပုရိသ-အခေါ်ခံရသော ပုဂ္ဂိုလ်များ မဂ်ဖိုလ်ရနိုင်-မရနိုင်ကိုလည်း ဖြေကြားပေးတော်မူပါဘုရား။
(ရှင်သီရိန္ဒ-ယောရွာ၊ စစ်ကိုင်းတိုင်း)
(ဖြေ)
အရှင်သုဒိန်မထေရ် ရဟန္တာဖြစ်သည်ဟု စာမှာမတွေ့ရှိပါ။ အရှင်သုဒိန်သည် သဒ္ဓါပဗ္ဗဇိတ ရဟန်းဖြစ်ပါလျက် သံသယ+ကုက္ကုစ္စ နှိပ်စက်ခံရသည့်အတွက် ကိုယ်ရော စိတ်ပါ ထိခိုက်ပြီး တရားမရရှာသော ရဟန်းအဖြစ်သာ ဖြော်ပြပါရှိပါသည်။ အရှင်သုဒိန်၏ အဗြဟ္မစရိယအမှုကြီးကို ကိုယ်စောင့်နတ်၊ တောစောင့်နတ်၊ ဘုမ္မစိုး၊ အာကာသစိုး၊ နတ်အပေါင်းနှင့် ၃၁-ဘုံလုံး လူနတ်ရဟန်းအားလုံး သိရှိပြီး ဘုရားရှင်ထံ လျှောက်ထားကြ၍ ဘုရားရှင်က မောဃပုရိသ-ဟုခေါ်တော်မူပါသည်။ မောဃပုရိသ-ဟု အခေါ်ခံရသည့်အလျောက် မဂ်ဖိုလ် ရသည်ကိုလည်း မတွေ့ရပေ။
မောဃပုရိသ-ခေါ်တိုင်း မဂ်ဖိုလ်မရသည် မဟုတ်။ ဒုတိယပါရာဇိက ခိုးမှုကို ကျူးလွန်သော အရှင်ဓနိယမထေရ်ကိုလည်း ဘုရားရှင်က မောဃပုရိသ-ဟု ခေါ်တော်မူပါသည်။ သို့သော်လည်း အရှင်ဓနိယထေရ်သည် နောင်အခါ တရားအလုပ် အားထုတ်တော်မူ၍ ရဟန္တာအဖြစ်သို့ ရောက်ရှိတော်မူပါသည်။ ထို့ကြောင့် မောဃပုရိသ-ခေါ်တိုင်း ဤဘ၀၌ မဂ်ဖိုလ်မရနိုင်ဟု တထစ်ချ မယူဆနိုင်ပါ။
********************************************************************************
(မေး) (ဘုန်းကြီးကျောင်းတွင် ဖိနပ်စီးခြင်း)
အရှင်ဘုရား၊ ယခုခေတ် ဘုန်းကြီးကျောင်းနှင့် ရိပ်သာတို့တွင် ဘုန်းကြီးက ခွင့်ပြုသည်ဆို၍ ဖိနပ်များ စီးနေကြပါသည်။ ဘုန်းကြီးက ခွင့်ပြု၍ ရ-မရ အပြစ် ရှိ-မရှိ သိလိုပါသည်။ တဆက်တည်း ဗိမ္ဗိသာရမင်းကြီး ခြေဖ၀ါး ဓားခွဲခံရခြင်းသည် မည်သည့်ကံ၏အကျိုး ဖြစ်ပါသနည်း။ ဖြေကြားပေးတော်မူပါဘုရား။
(ဦးသိန်းအောင်-သင်္ဃန်းကျွန်း)
(ဖြေ)
ဘုန်းကြီးကျောင်းဝင်းတွင် လူမှမဟုတ်၊ ရဟန်းသံဃာများပင် ကျောင်းပိုင်ဘုန်းကြီး၏ ခွင့်ပြုချက်မရလျှင် စီးခွင့်မရှိပေ။ ခွင့်ပြုမှ စီးခွင့်ရှိပေသည်။ ၄င်းပညတ်ချက်အရ လူများလည်း ခွင့်ပြုလျှင် စီးနိုင်သည်ဟု အဓိပ္ပါယ် ရပေသည်။
မင်းကွန်း တိပိဋကဆရာတော်ဘုရားကြီးသည် နွေအခါ မင်းကွန်း၌ အလွန်ပူပြင်းလှသဖြင့် ကျောင်းဝိုင်း ကျယ်ကျယ်ကြီးတွင် ဖိနပ်ချွတ်၍ သွားလာရန် မသင့်သည့်အတွက် လူများကို ဖိနပ်စီးခွင့်ပြုတော်မူသည်။
အမရပူရ မဟာဂန္ဓာရုံဆရာတော်ကြီး အရှင်ဇနကာဘိဝံသသည်လည်း ညစ်ပေသောခြေထောက်ဖြင့် ကျောင်းပေါ်ကိုတက်ခြင်းက ကျောင်းကိုပို၍ ညစ်ပေစေသောကြောင့် သန့်ရှင်းသောခြေဖြင့် ကျောင်းပေါ်သို့တက် နိုင်စေရန် စီးခွင့်ပြုတော်မူသည်။
ဗိမ္ဗိသာရသည် ရှေးဘ၀က ညစ်ပေသောခြေတို့ဖြင့် သံဃာတော်များ သုံးဆောင်ရန် ခင်းထားသောအခင်းပေါ် ညစ်ပေအောင် နင်းခဲ့သည့်အတွက် ဓားခွဲခံရခြင်း ဖြစ်သည်။ ထို့ကြောင့် ဖိနပ်မစီးဘဲ ညစ်ပေသောခြေထောက် ဖြင့် တက်ခြင်းထက် ဖိနပ်စီး၍ သန့်စင်သော ခြေထောက်ဖြင့် တက်ခြင်းက အကျိုးပို၍ ရှိသည်ကို ရည်၍ စီးခွင့်ပြုတော်မူသည်။
မန္တလေး မစိုးရိမ်ဆရာတော်ကြီးကား-သံဃာများ သီတင်းသုံးတော်မူသော နေရာသည် လူများအတွက် စေတီထိုက်သောနေရာ ဖြစ်သည်။ ထို့ကြောင့် ရှေးထုံးစဉ်လာ သံဃာ့အာရာမ်ကို ထိနပ်မစီးဘဲ အရိုအသေ အလေးအမြတ်ပြုခြင်းဖြစ်သည်။ လူများကို စီးခွင့်ပေးရန် မဆုံးဖြတ်ရဲ။ တို့တော့ ခွင့်မပြုရဲ၊ စီးလိုက စီးနိုင်ကြသည်-ဟု မိန့်ကြောင်း ကြားဖူးပါသည်။
လိုရင်းချုပ်သော် ရိုသေသော စိတ်စေတနာနှင့် မရိုသေသော စိတ်စေတနာတို့သာ ပဓာနကျပေသည်။ ရိုသေသော စိတ်စေတနာဖြင့်ပင် ကျောင်းကို မညစ်ပေရအောင် စီးသည်ဆိုလျှင် အပြစ်မဖြစ်နိုင်ပေ။
ကျမ်းဂန်တို့၌ ရဟန်းသံဃာ ဆရားသမားများကို ၁၂-တောင်အကွာက ဖိနပ်ချွတ်၍ အရိုအသေပေးရမည်ဟု ဆိုသဖြင့် ကျောင်းအတော်များများတွင် ဖိနပ်ချွတ်နေရာနှင့် ဆရာတော် သံဃာတော်များ သီတင်းသုံးရာ နေရာသည် ၁၂-တောင်ခန့်ဝေးနေလျှင် အရိုအသေပြုရာရောက်လျက်ရှိပါသည်။
ဘုရားကိုကား မြင်လောက်ရာက စ၍ ဖိနပ်ချွတ်ကာ အရိုအသေပေးရမည်ဟု ဆိုပါသည်။ ရိုသေသော စိတ်စေတနာရှိဖို့သာ လိုရင်းဖြစ်ပါသည်။
ဤထိနပ်ချွတ်ခြင်း၊ မချွတ်ခြင်းသည် ယဉ်ကျေးမှုဓလေ့နှင့်လည်း ဆိုင်ပေသည်။ ထိုင်းနိုင်ငံ၌ တန်ခိုးကြီး မြဘုရားကို ဖိနပ်စီးလျက်ပင် ဖူးမြော်ကြသည်။ ဖိနပ်မချွတ်ဘဲ ကြည်ညိုရိုသေစိတ် ဖြစ်ပေါ်လျက်ရှိကြသည်။ သို့သော် ဘုရားကိုကား မြင်လောက်ရာအရပ်မှ ဖိနပ်ချွတ်ကြ၍ အရိုအသေပြုရမည်ဟုဆိုသဖြင့် ဘုရားဝင်း၌ မစီးခြင်းသည်သာ အပြစ်ကင်းပေ၏။
********************************************************************************
(မေး) (ဥပုသ်သည်နှင့် ညစ်ညမ်းသောစကား)
အရှင်ဘုရား၊ တပည့်တော် အပတ်စဉ် ဥပုသ်စောင့်ပါသည်။ သို့သော် တပည့်တော်၏ ပတ်ဝန်းကျင်တွင် ဆဲရေးတိုင်းထွာမှုများ နားနှင့်မဆန့်အောင် ကြားနေရသဖြင့် စိတ်ညစ်နေရပါသည်။ တရားမှတ်ဖို့ပင် အလွန်ခက်ခဲလှပါသည်။ ထိုသို့ ဆဲဆိုသံများ အမြဲကြားနေရသောကြောင့် ဥပုသ်သည်များ သီလပျက်နိုင်ပါသလားဘုရား။
(အောင်မိုးရွှေ- မ/ဥက္ကလာ)
(ဖြေ)
သီလသည် ကာယကံနှင့် ၀စီကံကို ထိန်းသောအလုပ် ဖြစ်ပါသည်။ စိတ်ညစ်ရုံဖြင့် သီလမပျက်ပါ။ မိမိက ဆဲမိ၊ ဆိုမိ၊ တိုင်းထွာမိသွားလျှင်ကား သီလပျက်နိုင်ပါသည်။ စိတ်ထဲတွင် ဘယ်လောက်ညစ်ညစ်၊ ဘယ်လောက်မကျေမနပ် ဖြစ်ဖြစ်၊ ကာယကံ ၀စီကံ အဖြစ်သို့ မရောက်အောင် အစွမ်းကုန် ထိန်းပါလေ။
********************************************************************************
(မေး) (ခြေအိတ်စွပ်ထားပြီး ဆွမ်းလောင်းသော်)
အရှင်ဘုရား၊ တပည့်တော်တို့မြို့က ဆောင်းရာသီမှာ အလွန်အေးချမ်းလှပါသည်ဘုရား။ နံနက် သံဃာတော်များကို ဆွမ်းလောင်းရာတွင် ခြေအိတ်များစွပ်၍ လောင်းကြပါသည်ဘုရား၊ ထို့ပြင် တချို့က ဖိနပ်ချွတ်ပြီး ဖိနပ်ပေါ်ပြန်ရပ်ပြီး ဆွမ်းလောင်းကြပါသည်။ ထိုသို့ပြုသော် အပြစ် ရှိ-မရှိ သိလိုပါသည်ဘုရား။
(မတင့်တင့်-မိုးကုတ်မြို့)
(ဖြေ)
ရဟန်းသံဃာများနှင့် ပြုမူဆက်ဆံဆောင်ရွက်ရာတွင် ရိုသေသောစိတ် (ဂါရ၀စိတ်ထား) ရှိဖို့နှင့် မရိုသေစိတ် (အဂါရ၀စိတ်) မထားမိဖို့ လိုရင်းဖြစ်ပါသည်။
ရာသီဥတု အခြေအနေအရ ခြေအိတ်စွပ်ခြင်းသည် မရိုမသေပြုရာ မရောက်ပါ။ ဖိနပ်ပေါ် ပြန်ရပ်ခြင်းမှာ အပြစ်မဖြစ်နိုင်ပါ။ ရိုသေစိတ်ရှိ၍ပင် ချွတ်ထားခြင်းဖြင့် အသိအမှတ်ပြုစေပြီးဖြစ်သည်။ ထို့ကြောင့် အပြစ်မဖြစ်ပါဟု မှတ်ယူနိုင်ပါသည်။
(မြတ်မင်္ဂလာ ၂၀၀၈-ခု ဖေဖော်ဝါရီလ)
၁ ဒေါ်လာ= ၉၈၀ ကျပ်
၁ ဘတ် = ၃၁ ကျပ်
