( ဘဒ္ဒန္တ ၀ါယာမသာရ ဖြေသည်)
(မေး) (ကမ္ဘာနှင့် ဗုဒ္ဓဘာသာဝင်များ)
အရှင်ဘုရား၊ ကမ္ဘာပေါ်တွင် ထေရ၀ါဒဗုဒ္ဓဘာသာကို ကိုးကွယ်သောနိုင်ငံပေါင်း မည်မျှရှိပါသနည်း။ ထိုနိုင်ငံအမည်များကို သိလိုပါသည်ဘုရား။ ထို့ပြင် မဟာယာနဗုဒ္ဓဘာသာဝင် နိုင်ငံများကိ်ုလည်း သိလိုပါသည်ဘုရား။ ကမ္ဘာ့လူဦးရေ သန်းပေါင်း ၆၀၀၀(ခြောက်ထောင်) ကျော်ရှိရာတွင် ခန့်မှန်းခြေအားဖြင့် ထေရ၀ါဒ ဗုဒ္ဓဘာသာဝင်ဦးရေ မည်မျှရှိသည်ကို သိလိုပါသည်။
(ဦးအောင်-တောင်ကြီး)
(ဖြေ)
ထေရ၀ါဒဗုဒ္ဓဘာသာဝင်နိုင်ငံများမှာ မြန်မာ၊ ထိုင်း၊ သီရိလင်္ကာ၊ ကမ္ဘောဒီးယား၊ လာအို တို့ဖြစ်ရာ စုစုပေါင်း ၅-နိုင်ငံဖြစ်ပါသည်။ အခြားနိုင်ငံများတွင်လည်း ယခုအခါ ထေရ၀ါဒဗုဒ္ဓဘာသာ ပျံ့နှံ့လျက်ရှိပါသည်။ ထေရ၀ါဒ လူဦးရေမှာ ဖော်ပြပါ ၅-နိုင်ငံတွင် လူဦးရေ ရှစ်ဆယ်ရာခိုင်နှုန်းခန့် ရှိမည်ဟု ခန့်မှန်းကြပါသည်။
မဟာယာန ဗုဒ္ဓဘာသာနိုင်ငံများမှာ ဗီယက်နမ်၊ တရုတ်၊ တောင်ကိုရီးယား၊ ဂျပန်၊ မွန်ဂိုလီးယား၊ နီပေါ၊ တရုတ်-တိုင်ပေ၊ ပါကစ္စတန်၊ တိဗက်ဒေသ၊ ရုရှ၊ အိန္ဒိယပြည်တို့၏ အချို့အပိုင်းတို့ ဖြစ်ကြပါသည်။
နိုင်ငံအလိုက်မဟုတ်ဘဲ အစိတ်အပိုင်းအနေဖြင့် ဟောင်ကောင်၊ တရုတ်-တိုင်ပေ၊ မလေးရှား၊ အင်ဒိုနီးရှားနှင့် ကမ္ဘာ့နိုင်ငံအချို့တွင် မဟာယာန ဗုဒ္ဓဘာသာဝင်များ အများအပြား ရှိကြပါသည်။
ယခင် စောစောပိုင်း မှတ်တမ်းများအရ ထေရ၀ါဒ+မဟာယာန အားလုံး ကမ္ဘာ့လူဦးရေ သန်း ၆၀၀၀ (ခြောက်ထောင်) တွင် သန်း ၅၀၀ (ငါးရာ) ခန့်ရှိသည်ဟု မှတ်တမ်းပြုကြပါသည်။ (ယခုအခါ ထိုထက်ပိုမို များပြားနိုင်ပါသည်)။
********************************************************************************
(မေး) (သူတပါးလှူသော မြေကို ရောင်းသင့်-မရောင်းသင့်)
အရှင်ဘုရား၊ လွန်ခဲ့သော နှစ်တရာခန့်က အလှူအမ တဦးသည် ဘုန်းကြီးကျောင်းနှင့်ကပ်လျှက် မိမိပိုင်မြေတွင် ဥပုသ်ဇရပ်တခု ဆောက်လှူခဲ့သည်။ ထိုအလှူ့အမကြီး မရှိတော့သည့်နောက်တွင် သားစဉ်မြေးဆက် စောင့်ရှောက်ခဲ့ပြီး ဘုန်းကြီးကျောင်း သာသနာမြေ သာသနာပိုင်အဖြစ် ထပ်မံလှူဒါန်းခဲ့ပါသည်။ ယခုအခါ ဇရပ်ဟောင်းကိုဖျက်၍ ကောင်းနိုးရာသစ်တို့ကို ကျောင်းအဆောက်အဦးများတွင်အသုံးပြုကြပါသည်။ ထိုဇရပ်ဟောင်းမြေကို ကျောင်းဂေါပကအဖွဲ့က ရောင်းချပြီး ကျောင်းအတွင်း၌ အဆောက်အဦးတခု ဆောက်လုပ်ရန် စီစဉ်ကြပါသည်။ သူတပါးလှူခဲ့သောမြေကို ရောင်ချသင့်-မသင့်နှင့် အပြစ် ရှိ-မရှိ ဖြေကြားပေးတော်မူပါဘုရား။
(သိလိုသူ -ဂေါပကအဖွဲ့ဝင်တဦး)
(ဖြေ)
ဇရပ်နှင့်မြေကို ဘုန်းကြီးကျောင်း သာသနာမြေ၊ သာသနာပိုင်အဖြစ် လှူဒါန်းပြီးဖြစ်၍ ဘုန်းကြီးကျောင်းပိုင်မြေ ဖြစ်ပါသည်။ ဘုန်းကြီးနှင့် ကျောင်းဂေါပကများ ညှိနှိုင်း၍ ဤကျောင်း၊ ဤသာသနာအတွက် ပို၍ အကျိုးရှိမည် ဆိုလျှင်၎င်း၊ အလှူရှင် သားမြေးမြစ်များကလည်း ကျေနပ်နှစ်သက်ကြမည်ဆိုလျှင်၎င်း ရောင်းချ၍ အသုံးပြုသင့် ပါသည်။
သာသနာအတွက် ပို၍ အကျိုးကျေးဇူးလည်း မများ၊ အလှူရှင် သားမြေးမြစ်များကလည်း သဘောမတူလျှင် သဒ္ဓါတရားကို ဖျက်ဆီးရာရောက်တတ်သဖြင့် မရောင်းချသင့်ပါ။
********************************************************************************
(မေး) (ကမ္မဋ္ဌာနာစရိယဘွဲ့ အသုံးပြုခြင်း)
အရှင်ဘုရား၊ တပည့်တော်တို့ရွာမှ ရိပ်သာဆရာတော်တပါးသည် မိမိကိုယ်ကို ကမ္မဋ္ဌာနာစရိယဆရာတော်ဟု နိုင်ငံတော်က ဆက်ကပ်ထားသောဘွဲ့ ရရှိထားခြင်းမဟုတ်ဘဲ တံဆိပ်တုံးလုပ်၍ အသုံးပြုနေပါသည်။ နိုင်ငံတော်က ဆက်ကပ်ထားခြင်းမဟုတ်ဘဲ ဘွဲ့ကို အသုံးချသောကြောင့် မည်သည့်အပြစ်များ ကျရောက်နိုင်ပါသလဲဘုရား။ အသုံးပြုနေသည်မှာ ၁၆-နှစ်ခန့် ရှိပါပြီဘုရား။
(မောင်တေဇော)
(ဖြေ)
ကမ္မဋ္ဌာနာစရိယ-ကမ္မဋ္ဌာန်းအားထုတ်ပုံ၊ အားထုတ်နည်းကို ပြသပေးသောဆရာ ဟူသော နာမည်သည် ကမ္မဋ္ဌာန်းကို အမှန်တကယ်ပြသပေးနေလျှင် မည်သည့်အသင်းအဖွဲ့ အစိုးရကမှ ဆက်ကပ်စရာမလိုဘဲ ကမ္မဋ္ဌာနာစရိယ ဖြစ်၍နေပါသည်။ အသင်းအဖွဲ့ အစိုးရတို့က တိုး၍ ပူဇော်လို၍သာ ဘွဲ့ဆက်ကပ်ခြင်း ဖြစ်ပါသည်။ အမှန်တကယ် ကမ္မဋ္ဌာန်းပြသပေးနေလျှင် အသုံးပြုကောင်းပါသည်။ မသုံးသင့်သည်မှာ စာပေပရိယတ်များ ဖြေဆိုအောင်မြင်ခြင်းမရှိဘဲ ဖြေဆိုအောင်မြင်ထားသယောင် ဘွဲတံဆိပ်များကိုသာ အတုအပပြုလုပ်လျှင် မိစ္ဆာဇီဝဖြစ်၍ အပြစ်ဖြစ်နိုင်ပါသည်။
********************************************************************************
(မေး) (သေခြင်းတရားနှင့် စပ်လျဉ်း၍)
အရှင်ဘုရား၊ တပည့်တော်တို့ သေသွားလျှင် ဘယ်နေရာကို သွားရမည်၊ သွားရမည့်နေရာကို စီရင်ထားချက် ရှိ-မရှိ (သို့မဟုတ်) သေသွားလျှင် သတ်မှတ်ချက်မရှိ ရောက်ချင်ရာဘုံဘ၀သို့ ရောက်သွားပါသလား။ ထို့ပြင် တပည့်တော်တို့ပြုသော အပြစ်များကို မည်သူက တရားစီရင်ပါလဲ။ ဖြေကြားပေးတော်မူပါဘုရား။
(James-လမ်းမတော်မြို့နယ်)
(ဖြေ)
ပုထုဇဉ်လူသားနှင့် ကာမဘုံသား သတ္တ၀ါများသေလျှင် ဒေ၀+မနုဿ၊ နိရယနှင့်၊ ပေတ+တိရစ္ဆာန်၊ လားရန်အရှိ၊ ငါးတန်သော ဂတိ-ဆိုသည့်အတိုင်း ကုသိုလ်ကောင်းမှုရှိသူတို့က ဒေ၀-နတ်ပြည်၊ မနုဿ-လူ့ပြည်သို့ ပြန်ရောက်ကြမည်။
အကုသိုလ်ကံများသူတို့က နိရယ-ငရဲဘုံ။ ပေတ-ပြိတ္တာဘုံ။ တိရစ္ဆာန-တိရစ္ဆာန်ဘုံတို့သို့ ရောက်ရှိကြပါမည်။ သွားရမည့်နေရာ ၅-ဌာန ရှိပါသည်။
သွားလိုသည့်ဘ၀ကို သတ်မှတ်ထားလို့ ရ-မရမှာ မိမိအမှန်တကယ် သွားလို ရောက်လို ဖြစ်လိုသောဘ၀ကို ရည်ရွယ်ချက်၊ သတ်မှတ်ချက် ပြု၍ ရပါသည်။
ဥပမာ-နိုင်ငံခြားသို့ သွားလို၊ ရောက်လိုသော သူသည် အမှန်တကယ် သွားရောက်လိုသော ရည်မှန်းချက်ဖြင့် သွားရောက်နိုင်ကြောင်းဖြစ်သော လိုအပ်ချက် အမျိုးမျိုးတို့ ပြည့်စုံအောင် ဆောင်ရွက်ရပါမည်။(သွားချင်ရုံနှင့်ကား ရောက်မည်မဟုတ်ပါ)။
ဘ၀ကောင်းကို ရောက်လိုသူသည် ရောက်နိုင်ကြောင်းဖြစ်သော လိုအပ်ချက်အမျိုးမျိုးတို့ကို ပြုလုပ်ရပါမည်။
ဘ၀ကောင်းရောက်လိုသူသည် သဒ္ဓါ-ကံ ကံ၏အကျိုးတရားတို့ကို ယုံကြည်မှု။
သီလ-အကျင့်သီလနှင့် ပြည့်စုံမှု။
သုတ-အကြားအမြင် ဗဟုသုတနှင့် ပြည့်စုံမှု။
စာဂ-စွန့်ကြဲပေးကမ်း လှူဒါန်းမျှဝေမှု။
ပညာ-အမှန်အတိုင်း အရာရာမှာ သိတတ်၊ မြင်တတ်၊ နားလည်တတ်သော လောကီပညာ၊ လောကုတ္တရာပညာတို့နှင့် ပြည့်စုံမှု-ဟူသော တရားများနှင့် ပြည့်စုံရမည်။
ဤတရားများနှင့် ပြည့်စုံလျှင် မိမိရောက်လို ရလိုသော ဘ၀ကောင်းကို ရရှ်ိနိုင်ပါသည်။
သတ္တ၀ါအများ ပြုပြင်သမျှ အကျိုး၊ အပြစ်အားလုံးကို ကံ-မင်းတရားက စီရင်ချက်ချပါသည်။ ဘ၀ကောင်း ဘ၀ညံ့ကို ရောက်သွားခြင်း၊ ရုပ်လှသူ၊ မလှသူ၊ ဆင်းရဲသူ၊ ချမ်းသာသူ၊ ပညာတတ်သူ၊ မတတ်သူ၊ အမျိုးယုတ်သူ၊ အမျိုးမြတ်သူအဖြစ်သို့ ရောက်အောင် မိမိပြုထားသော ကံတရားကသာ စီရင်ချက် ချပေးပါသည်။
ကိုယ့်ကုသိုလ်က၊ ကိုယ့်ကိုမ၊ မုချအားကိုးရာ။
ကိုယ့်အကုသိုလ်က၊ ကိုယ့်ကိုချ၊ မုချဆင်းရဲရာ။
မိမိကို တရားစီရင်မည့်၊ မ,စမည့် အားကိုးရမည့် ကုသိုလ်ကံတရားများကို များများဆည်းပူးပြုလုပ်ထားရမည်။ မိမိကို အပါယ်ငရဲသို့ တွန်းချမည့်၊ ဆင်းရဲတွင်းသို့ တွန်းချမည့် အကုသိုလ်ကံတရားတို့ကို မဆည်းပူးမိ၊ အပေါင်းအသင်း မလုပ်မိဖို့ အထူးအရေးကြီးသည်။ ထိုအကုသိုလ်တရားတို့ကို များများကြီး ရှောင်ကြဉ်ကြပါဟူလို။
*********************************************************************************
(မေး) (အရုဏ်မဟုတ်-နေ့ဆွမ်းမဟုတ်)
အရှင်ဘုရား၊ တပည့်တော်သည် မိသားစုတာဝန် ထမ်းဆောင်နေရသဖြင့် ဘုရားရှင်နှင့် ရဟန်းသံဃာတော်များကို နံနက် ၇-နာရီနှင့် ၈-နာရီလောက်ကျမှ ဆွမ်းဘောဇဉ်များ ကပ်လှူဖြစ်ပါသည်။ အရုဏ်ဆွမ်းလည်းမက၊ နေ့ဆွမ်းလည်းမကျဖြစ်နေ၍ ဤကဲ့သို့ ကပ်လှူခြင်းအတွက် အကျိုး ရှိ-မရှိ သိလိုပါ၍ ဖြေကြားပေးတော်မူပါဘုရား။
(မြင့်မြင့်-အလုံ)
(ဖြေ)
ဘုရားရှင်နှင့် ရဟန်းသံဃာများအတွက် ဆွမ်းဘုဉ်းပေးနိုင်သော ကာလ အချိန်သည် နံနက် အရုဏ်တက်သည်မှ ၁၂-နာရီတိုင်အောင် ဖြစ်ပါသည်။ ထိုကာလအချိန်အတွင်း မည်သည့်အချိန်မဆို ကပ်ကောင်းပါသည်။ ဘုရားလက်ထက်က အရုဏ်ဆွမ်းသပ်သပ်၊ နေ့ဆွမ်းသပ်သပ်ရယ်လို့ မရှိပါဘူး။ နံနက်ဆွမ်းခံကြွသွားပြီး ဆွမ်းရလျှင် သင့်တော်ရာနေရာဖြစ်သည့် ကျောင်း၊ ဇရပ်တို့မှာ ဆွမ်းဘုဉ်းပေးကြရပါသည်။
၁၂-နာရီအတွင်း အချိန်သတ်မှတ်ချက် မရှိပါ။ ယခုထက်တိုင် မန္တလေးက ကျောင်းတိုက်ကြီး အတော်များများမှာ အရုဏ်ဆွမ်းရယ်လို့ သီးသန့်မရှိပါဘူး။ နံနက်မိုးလင်းလျှင် ဆွမ်းခံကြွသွား၊ ပြန်လာတဲ့အခါ နံနက် ၈-နာရီ၊ ၉-နာရီခန့်ရောက်၊ ရောက်သည့်အချိန် ဘုဉ်းပေးကြတာပါပဲ။ နောက်ပြီး ၁၂-နာရီမထိုးခင် ထပ်ဘုဉ်းပေးချင်ပေး၊ အချိုပွဲလောက်သာ ဘုဉ်းပေးချင်ပေး၊ အချိန်တိတိကျကျ သတ်မှတ်မထားပါဘူး။ နံနက်ပိုင်း တပိုင်းလုံး လှူကောင်းသည်။ လှူထားပြီး ဆွမ်းဘောဇဉ်များကိုလည်း သင့်လျော်သလို နံနက်ပိုင်းတပိုင်းလုံး ဘုဉ်းပေး နိုင်ပါသည်။
********************************************************************************
(မေး) (သင်္ကန်းကို အဆင့်ဆင့် အသုံးပြုခြင်း)
အရှင်ဘုရား၊ ရဟန်းတော်များ သင်္ကန်းကို သုံးဆောင်ရာတွင် စုတ်သွားသော်လည်း ကြမ်းတိုက်၊ ကြိုးကျစ်၊ နောက်ဆုံး အမှုန့်ပြု၍ လမ်းခင်းသည်အထိ အကျိုးရှိစွာ အသုံးပြုရပုံကို အရှင်အာနန္ဒာနှင့် ကောသလမင်းကြီးတို့ အမေးအဖြေအရ သိရ၍ အလွန်ကြည်ညိုခြင်း ဖြစ်မိပါသည်။ သို့သော် တပည့်တော်တို့ လူပုဂ္ဂိုလ်များ ကျောင်းသို့သွား ၀င်ထွက်ရသောအခါ သင်္ကန်းစုတ်ကို ခြေသုတ်လုပ်ထားခြင်း၊ သင်္ကန်းစုတ်ကို နင်း၍ လူပုဂ္ဂိုလ်က ကြမ်းတိုက်ခြင်းတို့ကို ပြုနေကြခြင်းသည် အပြစ် ရှိ-မရှိ သိလိုပါသည်ဘုရား။
(ဦးသာရှိ-ခ-ဦးသန်းရွှေ-တမူးမြို့)
(ဖြေ)
ရဟန်းတော်များ၏ အသုံးအဆောင်များသည် လူပုဂ္ဂိုလ်များအတွက် စေတီထိုက်သော (ပူဇော်အပ်သော) ပစ္စည်းများ ဖြစ်ပါသည်။ ထို့ကြောင့် သင်္ကန်းဟူသော အမှတ်သညာ မပျောက်သေးလျှင် လူပုဂ္ဂိုလ်များ ခြေသုတ်၊ လက်သုတ်အဖြစ် မသုံးဆောင်ကောင်းပါ။ သံဃာတော်များကလည်း လူများဝင်ထွက်နိုင်သော နေရာများ၌ ခြေသုတ်၊ လက်သုတ်အဖြစ် မထားကောင်းပါ။ သင်္ကန်းကို ခြေဖြင့်နင်း၍ ကြမ်းမတိုက်ကောင်းပါ။
ရတနာသုံးပါးနှင့်စပ်သော ပစ္စည်းများကို မရိုသေရာ ရောက်ပါသည်။ သင်္ကန်းဟူသော အမှတ်သညာ ပျောက်နေလျှင်ကား အပြစ်မဖြစ်နိုင်ပါပေ။ ရဟန်းရော လူပါ အပြစ်မဖြစ်ရအောင် ရဟန်းတို့ကလည်း ဆင်ခြင်သုံးဆောင်၍ လူတို့ကလည်း အဂါရ၀ မရိုသေမှုအပြစ်များ မဖြစ်ရအောင် ရှောင်ကြဉ်သင့်ပါသည်။
********************************************************************************
(မေး) (မယ်တော်မာယာဒေ၀ီ၏ ဘုရားလောင်းဖွားမြင်ခြင်း)
အရှင်ဘုရား၊ ဘုရားအလောင်းတော်၏ မယ်တော်ဖြစ်သော မယ်တော်မာယာဒေ၀ီသည် ဘုရားအလောင်းတော်ကို နားမှ ဖွားမြင်သည်ဟု အချို့က ဆိုသည်မှာ မှန်ပါသလား။ ဖြေကြားပေးတော်မူပါဘုရား။
(အမျိုးသမီးတဦး)
(ဖြေ)
နားမှ ဖွားခြင်းမဟုတ်ပါ။ သဘာဝအတိုင်းသာ ဖွားမြင်ခြင်း ဖြစ်ပါသည်။
(မြတ်မင်္ဂလာ ၂၀၀၇-ခု အောက်တိုဘာလ)
၁ ဒေါ်လာ= ၉၈၀ ကျပ်
၁ ဘတ် = ၃၁ ကျပ်
